sankisse

Walon (Rifondou)

Etimolodjeye

Bodje « sank- » ‎(« sankes ») avou l’ cawete « -isse ».

Prononçaedje

• AFE :
  • diferins prononçaedjes : /sɑ̃ː.kis/ /sɑ̃ː.kɪs/
  • prononçaedje zero-cnoxheu : /sɑ̃ː.kis/
• Ricepeures : san·kisse

Sustantif

singulî	pluriyal
sankisse	sankisses

sankisse femrin

1. broûs ki djijhèt e fond des frexhåds, des ris, des vevîs, dins les ravås après ene grosse walêye, so les teres enaiwêyes ås grossès aiwes.
   • Djômixhant dvins les fonds
     D' èn ewaerant sankisse,
     Dji poujhive å pwezon
     Disk' a dvins les fondrisses — Camille Gaspard.
   • Tot l' sankisse di Mouze si rapoûla so nos prés — Henri Forir (fråze rifondowe).
   • Djeråd avança foû do sankisse ki lyi plakive totavå s’ coir — A. Moors-Schoefs, (sourdant a recråxhî).
   • L' aiwe amoenne des sankisses — ALW 6 so les pires et les åbes, p. 66 (fråze rifondowe).
2. plaece avou toplin di ces broûs la.
   • Nén ndaler wayî dins les sankisses: vos vos froz apicî pa Hinri Crotchet — ALW 6 so les pires et les åbes, p. 66 (fråze rifondowe et rarindjeye).
   • Ké sankisse, cisse voye la ! — Motî Haust (fråze rifondowe).
3. (imådjreçmint) sitouwåcion k' on-z î a målåjhey.
   • Saetchîz-m' foû do sankisse di sogne ki dji n' m' efonce — Jean Bosly, ratournant L' imitåcion d' Djezus-Cri.

Sinonimeye

brôwisse, fagnisse, frexhisse, floû

Ratournaedjes

broûs do fond des aiwes ou amoennêyes pås grossès plouves

• Francès : limon ^(fr), vase ^(fr)

plaece avou toplin d' broûs

• Francès : bourbier ^(fr), fondrière ^(fr), marécage ^(fr)