pexhe

Walon (Rifondou)

Etimolodjeye

Svierba do viebe « pexhî ».

Prononçaedje

• AFE :
  • diferins prononçaedjes : /pɛç/ /pɛh/ /pɛʃ/ (betchfessî xh)
  • prononçaedje zero-cnoxheu : /pɛç/
• Ricepeures : nén rcepåve

Sustantif

singulî	pluriyal
pexhe	pexhes

pexhe femrin

1. apiçaedje di pexhons u di ds ôtes biesses ki vicnut e l’ aiwe.
   • Do tins passé, les cis d' Odinvå alént al pexhe ås grevisses e l' aiwe d' Our. — Motî Toussaint (fråze rifondowe).
   • I n' mi shonne nén k’ i rafåre foirt del pexhe. — Henri Simon, « Sètche, i bètche » 1889, (eplaidaedje da Jean Haust e 1936), p.33 (fråze rifondowe).
   • I fåt sepi çou k’ c’ est del pexhe,
     Aveur sintou cisse passion crexhe,
     Po vs dire téle k’ on-z e-st abandné
     A cisse kipiçante maladeye,
     Ki vs rind vireus, caegnaesse, djalot. — Joseph Vrindts, ”Vîx Lîge” (1901), p.8, “Ine Mâle Journêye” (fråze rifondowe).
2. pexhons apicîs.
   • Ci anonne, nos årans del pexhe. — Motî Toussaint (fråze rifondowe).
   • - Ass fwait ene boune pexhe, Camile ?
     - Åy, va, toplin des razoes.
3. (mot d’ economeye) cwårtî d’ l’ economeye ki rascove l’ apiçaedje di pexhons dins l’ aiwe.
4. plaece k' on a l' droet d' î pexhî.
   • Avå vola, totes les pexhes sont louwêyes-evoye. — Motî Toussaint (fråze rifondowe).

Parintaedje

• Loukîz a : « pexhî »

Mots d’ aplacaedje

• canapexhe, cane al pexhe
• pexhe el mer, pexhe el hôte mer

Ortografeyes

Après 1900, foû rfondou (Feller, Feller ricandjî, nén Feller) :

• pèhye : E200
• pèshe : E165
• pèhe : E1
• pèche : S0, S117, G62

E rfondou walon :

• pexhe : R10 ^(lére), R13

Ratournaedjes

apiçaedje di pexhons dins l’ aiwe

• Inglès : fishing ^(en)
• Francès : pêche ^(fr)

Codjowas

pexhe

1. indicatif prezintrece, prumire et troejhinme djins do singulî, do viebe « pexhî ».
2. suddjonctif prezintrece, prumire et troejhinme djins do singulî, do viebe « pexhî ».
3. kimandeu prezintrece, deujhinme djin do singulî, fôme camaerådrece, do viebe « pexhî ».

Waitîz eto

Lijhoz l’ årtike pexhe so Wikipedia