påpire

Walon (Rifondou)

Etimolodjeye

Tayon-bodje latén « palpebra » (minme sinse) çou ki dene on mot avou l’ cawete « -ire ».

Prononçaedje

• AFE :
  • diferins prononçaedjes : /pɔː.piːʀ/ /paːpiːʀ/ /pɔːpɛːʀ/ (betchfessî å)
  • prononçaedje zero-cnoxheu : /pɔː.ˈpiːʀ/
• Ricepeures : på·pire

Sustantif

singulî	pluriyal
påpire	påpires

påpire femrin (pus sovint eployî å pluriyal)

1. pea ki rcovere les ouys totes les sacwants sgondes, et les frexhi.
   • On djoû k’ djaléve a finde les pires,
     A vs epoirter l’ betchete do nez,
     Dji sondjive, cligntant del påpire,
     A m’ tchôde coulêye, bén astançné— Martin Lejeune, "L’iviêr èt l’amour" (fråze rifondowe).
   • Djaenès påpires avou vos nåjhixheures — Albert Lovegnée (fråze rifondowe).
   • Vos grands oûys plins d’loumîres
     Årdèt come èn åté,
     Et vos fènès påpîres
     Frusihèt d’leû clårté…— Émile Wiket, "Fruzions d' cour", p.48.
   • Djannesse cwita l' mônreye après aveur stou dire
     Årvey ås camaerådes k' avént ene låme al påpire,
     Minme li tchén ki hawéve come po dire : « prind m' avou
     Dji t' inmrè bén mi k' lu si t' es minme panea-cou ! »
     — Louis Lagauche, "Mayon" (1923), p. 33 (fråze rifondowe).

• 
  Påpires di comere

Parintaedje

• påpyî
• påpî
• påpeye
• dispåpyî
• rapåpyî

Mots d’ aplacaedje

• troejhinme påpire

Ortografeyes

Divant 1900 :

• pâpire : E212 ^(lére)

Après 1900, foû rfondou (Feller, Feller ricandjî, nén Feller) :

• pâpîre : E212b
• påpire : E1
• panpîre : E165

E rfondou walon :

• påpire : R10 ^(lére), R13

Ratournaedjes

pea ki vént so l' ouy pol rifrexhi

• Almand : Augenlid ^(de)
• Inglès : eyelid ^(en)
• Espagnol : párpado ^(es)
• Francès : paupière ^(fr)
• Neyerlandès : ooglid ^(nl)

Waitîz eto

Lijhoz l’ årtike påpire so Wikipedia