nawaire

Walon (Rifondou)

Etimolodjeye

Aplacaedje di : « gn » + « a » + « waire », adon racuzinåve avou l' francès « naguère ».

Prononçaedje

• AFE :
  • diferins prononçaedjes : /na.wɛːʀ/ /na.ˈweːʀ/ /ɲa.ˈwɛːʀ/ (betchfessî ai, halcrosse rîlêye)
  • prononçaedje zero-cnoxheu : /na.ˈwɛːʀ/
• Ricepeures : na·waire

Adviebe

nawaire (nén candjåve)

1. (cronolodjeye) divins l' passé.
   • Andrî k' esteut nawaire ossu nawe, ossu tournåd k' on lumçon, ni sereut nén ouy l' ovrî sincieus et bråve k' on cnoxhe lådje et lon. — Joseph Mignolet, « Li tchèsturlinne dèl Bèle Rotche, 1922, p.27 (fråze rifondowe).
   • Dji sondjive nawaire e m' bedreye ki vs m' avîz metou des stitchas. — Albert Maquet (fråze rifondowe).
2. (pus stroetmint) lon dvins l' passé.
   • La wårdant s’ vire,
     Pus fir
     K’ i n’ fourit nawaire,
     On vî tchestea
     Si tait,
     Tcherdjî d’ istweres… — Jules Claskin, « Airs di flûte et autres poèmes wallons », édition critique de Maurice Piron, 1956, « Payîs walon », 1922, p.91-92 (fråze rifondowe).
   • A l' årmêye, on esteut nawaire oblidjî d' salouwer tot kî k' aveut-st on gråde pus hôt k' el vosse, do pus pelé ptit caporå al pus grosse-panse di djenerå — Fabien Jobe (fråze rifondowe).
   • Li vî tchén s’ aporçût ki si oda, nawaire si adroet, si såve e vint. — Henri-Thomas Maron (fråze rifondowe).

Sinonimeye

• enawaire
• lanawaire
• torade

Ratournaedjes

divins l' passé

• Francès : dernièrement ^(fr), auparavant ^(fr), récemment ^(fr)

lon dvins l' passé

• Francès : autrefois ^(fr), jadis ^(fr), naguère ^(fr)