houptata

Walon (Rifondou)

Mot-fråze

houptata (nén candjåve)

1. çou k' on dit a èn efant po k' i potcheye, metans so s' schô.
   • C’èst qu’il-aveût vèyou Betsabée, li feume dè capitinne Urie, ine fwért bèle djint, qui sins s’doter d’rin si r’nètîve bin påhûlemint divant d’aler dwèrmi. Sins bambî, i houka sès gårs èt ‘lz’ èvoya cwèri l’crapôde qui s’dimandéve cwè èt « houptata » èvôye, sins pus’ di manîre èl tchoûka è s’bèdrèye — Georges Ghys.

Ratourneures

1. fé des houptatas
   1. fé potchî èn efant.
   2. fé des mehins.
2. si cwefer a la houptata.
3. on tchapea a la houptata.

Parintaedje

• hope, hopea, hopuron

Ortografeyes

Divant 1900 :

• houptata : E203 ^(lére)

Après 1900, foû rfondou (Feller, Feller ricandjî, nén Feller) :

• houp’tata : E1

Ôtès ortografeyes (avou des sourdants nén rkinoxhous) :

• houptata : — Georges Ghys., — Louis Lagauche.

Ratournaedjes

po fé potchî ou s' rilever èn efant

• Francès : ioup la la ^(fr)

Sustantif

singulî	pluriyal
houptata	houptatas

houptata omrin

1. onk ki fwait l' veye dås ôtes målåjheye.
   • Et l' aite ki s' trovéve djustumint
     Padrî l' vî meur do ptit djårdén
     Riçuva des sminces di camomile…
     Si bén k' ene feye, cwand l' houptata
     rala sol fosse di s' vî mononke,
     Ele nel fijha beacôp trop longue
     Tot veyant çou ki s' passéve la…
     — Louis Lagauche, "Les belès-eures" (1928), p. 71 (fråze rifondowe).

Ratournaedjes

houptata

• Francès : écervelé ^(fr), emmerdeur ^(fr), écervelé ^(fr)