growe

Walon (Rifondou)

S’ i gn åreut ene sakî ki sepreut cwè åd fwait di l’ etimolodjeye di « growe », el pout stitchî vaici.

AFE :
- diferins prononçaedjes : /ɡʀɔw/ /ɡʀaw/ /ɡʀuːw/ /ɡʀuː/ /ɡʀuw/ /ɡʀu/ /ɡʀyːw/ /ɡʀyː/, miersipepieuzmint e l’ notule ALW 8.92 , hagnon 21 ; mot cité dins l’ FEW 4 296a.
- prononçaedje zero-cnoxheu : /ɡʀɔw/

singulî	pluriyal
growe	growes

growe femrin

(oujhea) voyaedjant oujhea, di l’ ôre des schaessîs, ki vole a cawêye, ki l’ sincieus no, c’ est : Grus grus.
- (e moes d’ måss) Vo rla les growes, on-z est å prétins. — Motî Toussaint (fråze rifondowe).
- (e moes d’ octôbe) Cwand c’ est k’ on rvoet les growes, li prétins est a l’ ouxh. — ALW 8 so les biesses (fråze rifondowe).
- Les growes ont l’ ivier å cou. — Motlî del Gléjhe (fråze rifondowe).
- Les growes rpassèt ; on nderva viè l’ ivier. — Motî Toussaint (fråze rifondowe).
- Pus hôt k’ les ptits oujheas, beacôp pus hôt, cåzu dvins les nûlêyes, les growes et les såvadjès åwes endalît ossu viè les tchôds payis. — Jean Lejeune di Djoupeye, Avå trîhes èt bwès, p. 67 (fråze rifondowe).
- Ene binde di growes passa, tot criyant dzeu nozôtes. — Louis Remacle (fråze rifondowe).
- I n’ si pleut espaitchî d’ xhufler tot veyant ene volêye di growes : faleut esse canvolant !
oujhea del minme sôre, ki l’ sincieus no, c’ est : Grus spp et Balearica spp.
metchante comere.
éndjin hôt dressî po lever des tchedjes å hôt.
- Pu adon, i gn è vént ene deujhinme growe ki va monter l’ restant do pî di nosse tournicreye, disk’ a 100 metes hôt. — Louis Baijot (fråze rifondowe).

Après 1900, foû rfondou (Feller, Feller ricandjî, nén Feller) :

Li mot n’ est nén dins : C13, R13

voyaedjant oujhea Grus grus

metchante comere

éndjin po lever des tchedjes å hôt

Lijhoz l’ årtike growe so Wikipedia