djalofrene

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « djalofrene », el pout stitchî vaici.

Prononçaedje

• AFE :
  • prononçaedje zero-cnoxheu : Prononçaedje a radjouter
• Ricepeures : dja·lo·frene

Sustantif

djalofrene femrin

1. sôre di bele fleur k' end a bén 300 sôres, e sincieus latén Dianthus spp..
   • I m’ a-st apoirté des cadjolêyès djalofrenes.
   • Il est si bea li ptit djårdén tot csemé d' rôzes et djalofrenes.. — Louis Lagauche (fråze rifondowe).
   • Li ptite pî-sinte ki n' moenne nole pårt Boirdêye di sayous, d' djalofrenes. — Jean Flesch (fråze rifondowe).
   • Li rôze tind a l' ouy les djalofrenes, les mastouches et les piyônes.. — Charles Massaux (fråze rifondowe).
   • S’ i n’ aveut distilé ki les bounès sinteurs,
     Ki, montant des valêyes, buskintèt les hôteurs,
     Les rozes et les clawsons et les foitès djalofrenes,
     Et totes les fleurs ki fjhèt trefiler nos narenes ;— Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
2. (pus stroetmint) :
   1. ene sôre corante dins les cortis, e sincieus latén Dianthus caryophyllus.
   2. ene ôte sôre, e sincieus latén Dianthus barbatus.
3. (pa rshonnance) ôte fleur, e sincieus latén Cheiranthu cheiri.
4. (tot djåzant å rvier) sitron.
5. po l' no prôpe : Loukîz a : « Djalofrene ».

Mots vijhéns

• bouket-tot-fwait
• amlet
• djilofrêye
• clawson

Ratourneures

1. revintreye ås djalofrenes : revintreye k’ gn a yeu e Portugal e 1974.

Ortografeyes

Divant 1900 :

• jalofreunn : E203 ^(lére)

Après 1900, foû rfondou (Feller, Feller ricandjî, nén Feller) :

• djalofrine : C9
• djalofrène : C1, C9, E1, E21, E34

E rfondou walon :

• djalofrene : R9 ^(lére), R10 ^(lére)

Ratournaedjes

Dianthus spp.

• Francès : œillet ^(fr)

Dianthus caryophyllus

• Francès : œillet des jardins

Dianthus barbatus

• Francès : œillet des poètes

Cheiranthu cheiri

• Francès : giroflée ^(fr)

sitron

• Francès : merde ^(fr)