displi

Walon (Rifondou)

Etimolodjeye

Tayon-bodje latén « despectus » avou ene ristitchete -l- (minme sinse).

Sustantif

singulî	pluriyal
displi	displis

displi omrin

sacwè ki fwait del poenne.
- Ké displi d' aveur des sfwaits efants ! — D.T.W.
- End a dju bén avou, des displis.
- Come ouy, dji n' åreus nén timpester åtoû d' mi
  Ene feme ki, sins bourder, mi fwait tos les displis. — Édouard Remouchamps, Bultén del Societé d' Lidje, Bulletin de 1858, « Li savtî », 77-143 (fråze rifondowe).
- Et aprume k' on l' leye e påye, ca li pus ptit displi l' mesbridjive et lyi dnéve li broûle-cour — Jean-Pierre Dumont (fråze rifondowe).
- Dji m’ laireu côper l’ doet ki c’ est vosse sour Mareye !
  Iy ! Mondju ! ké displi ! leyîz l’ po çou k’ elle est — Henri Simon, dins Cour d' agnon (fråze rifondowe).
sacwè ki vos rind l' veye målåjheye.
- Dj' a on displi so l' coir — D.T.W.
- Pus moirt ki vike, i dvént bablou
  I pinse k' ene macrale l' a pierdou
  I fruzixh, si kmagne, si mågreye
  Ossu honteus d' on sfwait displi
  K' on vî rnåd k' ene poye åreut pris. — Ep. Martial, Bultén del Societé d' Lidje, Bulletin de 1858, ‘’Li savtî des recoletes’’, 69-73 (fråze rifondowe).
- Tot-z esperant l' påye, c' est l' displi k' on rascoye. — Joseph Mignolet, "Al bèle fontinne, comèdèye è treûs-akes", 1924, p.40 (fråze rifondowe).
- Les vatches et les berbis si coûtchèt sol verdeure
  Po roemyî leu payele k' ele trovèt sins displi ! — Louis Lagauche, "L' inmant", (1947), A ‘n-ancyin payîsan, p. 153 (fråze rifondowe).
- Èt mèrci Diu, v’s-èstez trop djônne
  Po drènez d’zos l’ pwès dès displis. — Ernest Brassinne.
- Li ceremonreye si pasrè sins nou displi. — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 42 (fråze rifondowe).