cladjot

Walon (Rifondou)

Etimolodjeye

Tayon-bodje latén « gladius » (spêye), avou l’ cawete « -ot », pitite sipeye (a cåze des foyes ki côpèt come des lames di spêye); mot cité dins l’ FEW 4 144b.

Prononçaedje

AFE :
- diferins prononçaedjes : /kla.d͡ʒɔ/ /d͡ʒa.ɡlɔ/ (minme prononçaedje cåzu pattavå)
- prononçaedje zero-cnoxheu : /kla.d͡ʒɔ/
Ricepeures : cla·djot

Meules di cladjots

Sustantif

singulî	pluriyal
cladjot	cladjots

cladjot omrin

plante ki crexhe dins l’ aiwe des marasses, del sôre des fenaesses, ki sierveut a fé des banslaedjes.
- A l’ aiwe ! … Å secours !... breyeut Andrî tot s’ kibatant dvins les toûbions des gofes, et tot sayant d’ s’ agridjî ås cladjots do boird. — Joseph Mignolet, « Li tchèsturlinne dèl Bèle Rotche, 1922, p.37 (fråze rifondowe).
- Pus lon, c' e-st on vevî la ki l' trûte fwait s' sokete
  Avou des passeus d' aiwe ou des belès suzetes
  Ki volèt dzeu les djons, les pas-d'-ågne, les cladjots. — Louis Lagauche, "Li ptit hierdî" (1926), p. 148 (fråze rifondowe).
- L’ aiwe berôléve so les raecenes Des ôneas, etur les cladjots. — Bernard Louis (fråze rifondowe).
- O ! l’ fruzixhaedje des clapotants cladjots, A dju comprins li tchanson d’ tos vos mots, Cwand on doûs vint acourt sor vos, påjhûle, Ki ploye vos tiesses et vosse beur si tinrûle ? — Georges Meurisse, ratournant Guido Gezelle) (fråze rifondowe).
- On n’ î mete nén sovint paxhe des biesses cåze k’ il î fwait vormint trop frexhisse et k’ i n’ î crexhe ki des målès yebes, des cladjots, des djwints et des crås pôpîs, totès plantes k’ inmèt bén l’ aiwe. — Paul Renson (fråze rifondowe).
- Por mi, l’ Ome å havet dimoréve do costé d’ l’ aiwe, dins les cladjots. — André Henin (fråze rifondowe).
(pus stroetmint) sôre di djonkea avou ene ronde sipesse påte, ki l’ sincieus no, c’ est : Typha latifolia.
plante ki vént dins l’ aiwe, avou ene djaene fleur, ki l’ sincieus no, c’ est : Iris pseudacorus.
(tot s' brouyant) fleur d’ avri, ki l’ sincieus no, c’ est : Narcissus jonquilla (k’ a ene djaene fleur eto).
plante des cortis, del minme sôre, avou ene bleuwe fleur, ki l’ sincieus no, c’ est : Iris germanica.
- Al coine do bwès, gn a des cladjots D’ on si clair djaene. — M. Frevelhausen (sourdant a recråxhî) (fråze rifondowe).
ebalaedje e djonkea, u d’ ene ôte plante texheye, come po fé vni les dates des tchôds payis.
grosse toele d’ ebalaedje.
- On vantrin d’ cladjot. — Live so les plantes da Bastin, p. 221 (fråze rifondowe).