carnassire

Walon (Rifondou)

Etimolodjeye

calcaedje do francès « carnassière » (minme sinse)

Prononçaedje

• AFE :
  • prononçaedje zero-cnoxheu : /kaʀ.na.siːʀ/
• Ricepeures : car·na·ssire

Sustantif

singulî	pluriyal
carnassire	carnassires

carnassire femrin

1. muzete, saetchot po herer l' djibî k' on touwe al tchesse
   • Ene carnassire plinne di lapéns
   • Paski, ces berikes la, dj' els a veyou dins l' pitite potche dilérece del carnassire — Lucyin Mahin (fråze rifondowe).
   • L' coutea esteut seré si foirt ki l' pea di m' mwin s' sovént co parfond d' mes ongues. Lu, balonçant s' cårnassire, shofléve Malbrouk et s' pormoenner
2. malete d' on scolî
   • Li feme aprestéve kekès fadêyes et on bidon d' noer cafè; on tchôkive tot ça dins l' carnassire, et pu hay les guetes på cou d' l' eglijhe, på Pazea do curé, e rmontant l' Flaxhi et e passant houte del Faloejhe, disk' å Martcha — Lucyin Mahin, Ène bauke su lès bwès d’ l’ Ârdene, p. 31 (fråze rifondowe).
   • Avoz metou vos lives et vos cayés dins vosse carnassire ?
   • Ene carnassire di cur
3. (imådjreçmint) stoumak, vinte
4. sôre di plante, si no sincieus est calceolaria

Ortografeyes

Divant 1900 :

• carnassîr : E177

Après 1900, foû rfondou (Feller, Feller ricandjî, nén Feller) :

• carnassiére : C8, E34
• cârnassière : O4
• carnassire : E1

Ratournaedjes

saetchot pol djibî

• Francès : carnassière ^(fr)

malete di scolî

• Francès : cartable ^(fr)

stoumak

• Francès : estomac ^(fr), ventre ^(fr)

plante

• Francès : calcéolaire ^(fr)