baragwin

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « baragwin », el pout stitchî vaici.

Prononçaedje

• AFE :
  • diferins prononçaedjes : /ba.ʀa.ɡwɛ̃/ /ba.ʀa.kwɛ̃/
  • prononçaedje zero-cnoxheu : /ba.ʀa.ɡwɛ̃/
• Ricepeures : ba·ra·gwin

Sustantif

singulî	pluriyal
baragwin	baragwins

baragwin omrin

1. sote parole.
   • Dji n' etind rén a s' baragwin
   • Avou tos vos sots baragwins, vos m' cassez l' tiesse
   • Ele va co rataker ses baragwins
   • Såvans nos, vocial Mareye-baragwin
   • Il ont fotou on baragwin k' on n' compurdeut pus cawe ni tiesse
   • Sovin i lî prindév dè fouk, el pochîf to-t-avâ l’ pless to chantan on baragwin ki personn ni konprindéf— Henri Forir, Notul so lè bazè skol dè vî tin, 1862.
2. lingaedje k' on n' î comprind gote.

   Ene fråze d’ egzimpe est co a radjouter.

Mots d’ aplacaedje

• baragwiner

Sinonimeye

• råtchåd, naizreye, loignisté, amålvå
• (lingaedje k' on n' î comprind gote) : canifechtone, wastate, tchamårdaedje

Ortografeyes

Après 1900, foû rfondou (Feller, Feller ricandjî, nén Feller) :

• baraqwin : E165
• barakwin : O3
• baragwin : C1, C8, C9, E1, E21, O0
• baragouin : E34
• baraqwé : E165

Sipårdaedje do mot

w. do Levant

Ratournaedjes

parole nén serieuze

• Francès : baragouin ^(fr), propos sans suite ^(fr), futilités ^(fr)

lingaedje k' on n' î comprind gote

• Francès : langue inintelligible ^(fr)