Dj' a radjouté l' sipotcheye cogne a lever avou l' modele {{-spodiv-}}, pask' on l' trouve ossu bén so Wikipedia k' sol Wiccionaire, mins come dji nel voe nén sol DTW, dj' a-st ene pitite dotance. Est ele riprinjhe e rfondou, ci spotcheye cogne la ?
C' est l' minme avou rilever/erlever/rlever sol DTW. So Wikipedia, l' Wiccionaire et l' Rantoele gazete on trouve eto rilver.
A nareus on trouve elver, nén dins l' sinse di elever (fé monter, aclever) mins di rsaetchî evoye (F. enlever). Idem a finixhmint : elvé.
Pont d' elvåcion (elevåcion), elvateur (elevateur), elveu (eleveu, acleveu),...
I m' shonne ki ci spotchaedje la est pus corant cwand on va viè l' coûtchant (est ç' insi e picård ? e francès on l' sipotche å cåzaedje).
Mins c' est nén del minme nateure ki l' sipotchaedje k' i gn a po si-/es-, ki-, tchi-, di-,...; ki lu est sistematike. Ça fwait ki, come pol famile di "pezant", c' est nén noté å scrijhaedje.
Pol viebe avou l' sinse di rsaetchî, dins l' DTW dji l' a rfondou "inlever"; come les ôtes mots k' ont ene varyisté an-/in- a l' atake, corespondant a on francès en- ou an-, et sins (ou waire) di disfondowes avou e- (come: infén, infier, inglès, inglêye, inkete, intche, inte (=etur) et tos les mots avou intr(u)-, inviron)
Po "rilver, rilvêye"; dji pinse ki c' est des francijhaedjes; dins l' DTW on voet bén ki, a pårt "rulver [S117]" (ki fwait pwaire rulver / rluver) i n' a nol ôte sourdant avou on spotchaedje come e francès (ril'ver). Dji wadje eto ki ces rilver la k' vos avoz trové, c' est po les sinses do francès "relever" (1= rimarker, noter, 2=dipinde di), ki sont foirt corants e francès d' asteure mins n' estént nén corants e walon.