Sujet sur Uzeu copene:Srtxg

Dji saye di comprinde pocwè speciålisté et ôtes ont stî disfaflotés specialisté evnd.

Dji trove (sovint des noûmots) :

• E1 : brûtålizer
• FE1 : égålizer, fôrmålizer, fôrmålité, neutrålité, rèyålizer, rèyålité
• S0 : spéciâlisse, spéciâlité
• (F)O4 : spécialité, spécialisse, spécialiser

Dji n' a co rén trové po Nameur... Gn a-t i yeu ene bate di dvize so Berdelaedje ?

I n' a nén co yeu d' bate (ou, purade, end a yeu sacwantes, mins sins waire di consinsusse).

Por mi dji wåde li -ål- cwand l' cawete -(i)sté, -ijhî si mete sol (fermrinne cogne di l' ) addjectif.

Mins on voet eto k' avou l' cawete -isse (fr: -isme eyet -iste) li voyale divént sovint coûte ( -alisse); motoit paski c' est purades des calcaedjes do francès ki des mots walons fwaits pa acawaedje.

Sol DTW, les mots del famile speciål- sont sins "date di rfondaedje"; ça vout dire k' i n' a måy yeu di decidaedje fôrmel po zels.

(on pout vey li tchamp "date di rfondaedje" sol pådje des spepieus rcweraedjes)

Et po des sfwaits mots, on fé cwè sol Wiccionaire, si gn a yeu nou decidaedje ? On lzès mete come dobe rifondowe ?

I fåreut purade decider on djoû ké costé prinde.

Vos, kimint les scrirîz vs ?

Mi, dji direu avou å, paski pocwè :

1. dji voe voltî l' erîlaedje : speciå(le), speciålmint, ey adon -ålisté, -ålisse, -ålijhî ; on n' comprindreut nén pocwè candjî po specialisté mins nén po speciålmint (c' est cwè l' piceure pol ritnî)
2. ki pout l' pus pout l' moens : li betchfessî å convént come on l' trouve divins (F)E1 et â divins S0
3. dji so-st abitouwé dispu ki dji screye e rfondou di vey tocostés des å ki dj' prononce /aː/ (åbe), minme s' i fåt dire el vraiy ki dj' a cmincî a candjî m' prononçaedje po sacwants mots, et dji n' risin nén d' målåjhisté avou ça ou d' djinne ; on trouve des mots ki å n'est nén vormint djustifyî : ådje (coinrece Courcele), i m' shonne ki c' est l' minme po diåle

Por mi, especiålisse /ɛs.pɛ.sjɔː.lis/ est foirt plaijhant, minme si dj' areu yeu dit /ɛs.pɛ.sja.lis/ u /ɛs.pɛ.sjaː.lis/, nén seur pol longueur.

Dji n' sai nén comint l' prononçreut @Èl-Gueuye-Noere espontanêymint. I l' va bén nos dire...

Bondjoû tertos,

Po l' mot "especiålisse", dj' el prononçreu come çoula /ɛs.pɛ.sjɔː.lis/, pask' i gn' a on "å" yet paski l' son /a:/ est purade målåjhey a prononcî dins ç' cas ci.

Amiståvmint,

Èl-Gueuye-Noere

Divins l' DTW on pout lére a neute : Waitîz a: neutralité, mins les deus cognes k' on trouve sont : neutrålté (avou å et sins i) et neutrålisté. Cwè fé ?

C' est ene flotche di tapaedje, on l' voet bén avou les disfondowes k' ont-st on "i".

Come c' est on mot k' on trouve dins des diccionaires, dji direu d' shure çou k' i gn î a : neutrålité.

Sol DTW des mots ki finixhèt avou -ålté end a k' troes :

• dial'tè [O0] (ki diale/diåle n' est nén l' minme sacwè ki l' cawete -åle des addjectifs; et ki l' rifondaedje avou "å" dji n' so nén seur ki ça åye sitî l' meyeuse idêye)
• finålté (on noûmot di rfondeu)
• k(i)minålté (k' est ene sôre di forcoridjaedje, la k' les disfondowes mostrèt purade comunåté; c' est, di totes manires, nén on mot avou l' cawete -(i)(s)té)

Dji direu ki "finålté" n' shût nén les rîles des sfwaits mots; ça dvreut esse "finålité"

Si on rwaite tos les sustantfs avou "%å[lis]*té" :

• end a 19
• deus avou -ålté : diålté (dial'tè [O0]) et *finålté
• onk avou -ålté : lweyåté, calcaedje direk do francès (dj' åreu eployî lweyålté mi-minme)
• les 16 ôtes sont-st avou -ålité

(i gn a eto "ewalisté", mins l' addjectif avou a stî rfondou sins å : ewal)