Sujet sur Uzeu copene:Reptilien.19831209BE1/Flow

Bonswer Reptilien, cmint daloz-vos ?

Dj' a veyou sol waibe wice dj' eplaide èm gazete come cwè dji pou scrire les nos des djins ki coridjnut les-årtikes. Do côp, dj' a d'dja mincioné @Lucyin eyet dji so bayi s' i vos vloz bén dner vosse no (roci oubén på emile), come çoula dji pou vos mincioner eto ?

Si djamåy, vocial li loyén (https://belletristica.com/en/books/26415-li-walofile-gazete/chapter/121349-el-braibancone-walone). I fåt daler å fon d' l' årtike, pus tchoezî li pådje "Author" eyet rloukî padri "Contributors".

Amiståvmint,

Èl-Gueuye-Noere

D' èm costé ça va bén, grand merci.

Dji n' croe nén aveur måy coridjî vost årtike, et dji nel mi permetreu !

Mins, si vos vloz shuve l' ortografeye do Rfondou walon, adon gn a sacwants ptits ponts a rcandjî, metans :

• li dvancete voyale èl → el (nén po les tites des tchansons ki sont-st e Feller)
• « e-z scrijhant » /ɛz.sʀi.ʒã/ pocwè mete ene lete di beloyance la ? → e scrijhant
• el(l)es → el(l)e (sins S, avou deus L divant voyale) pask' e walon on dit /ɛl.avẽ/ ; e walon rfrancijhî /ɛlz‿avẽ/
• « zelzôtes » →  zezôtes  ?

Gn a eto des droles di tourneures, metans :

• « Ci ki vos aloz lére dzo est èm esplikêye... » ça soune drole → çou k’ vos aloz lére dizo / çou ki vs aloz lére dizo est mi/m’-n esplikêye (/ɛ.mij.ɛs.pli.kɛːj/ u /ɛ.mn‿ɛs.pli.kɛːj/ ; /ɛst.ɛm.ɛs.pli.kɛːj/ est drole por mi)

... et gn åreut co a rcoridjî si c' esteut mi-minme k' aveut scrît l' årtike, mins çou n' est nén mi, mins vos, et dji mi sin nén di foircî les djins a sondjî come mi.

Adon, tot çou k' dji m' permetreu d' vos dire, c' est bon coraedje po tos vos scrijhaedjes, ki dji lirè, sins dpus.

Amiståvmint

Dj' a fwait sacwants candjmints ortografikes. Pol axhiltance, /ɛst.ɛm.ɛs.pli.kɛːj/, dji n' troveu nén on mot walon po "interprétation", dins l' sinse pawou on comprind ene tchanson, ç' est po çoula ki dj' a scri "esplikêye" ki m' shonneut esse ene vudindje do depanaedje.

Dank a vozôtes.

Çou n' est nén l' mot esplikêye ki m' shonne drole, mins l' shuvion « est » + « èm » + « esplikêye » (mot ki cmince avou ene voyale) ki s' prononçreut /ɛst.ɛm.ɛs.pli.kɛːj/.

On dit (e zero cnoxheu) : c’ gamén la, c’ est èm djonne /sga.mẽ.la.sɛ.st‿ɛm.d͡ʒɔ̃n/ u co c’ gamén la, c’ est m’ djonne /sga.mẽ.la.sɛ‿m.d͡ʒɔ̃n/ mins on n' dit nén c’ gamén la, c’ est èm efant /sga.mẽ.la.sɛ.ɛm.ɛ.fã/ et nén /sga.mẽ.la.sɛ.st‿ɛm.ɛ.fã/. On direut co bén c’ gamén la, c’ est èm-n efant /sga.mẽ.la.sɛ.st‿ɛm.n‿ɛ.fã/ et co pus sovint c’ gamén la, c’ est m’-n efant /sga.mẽ.la.sɛ.mn‿ɛ.fã/.

Mi, dji direu minme /zga.mẽ/ avou asmilaedje.

Vos pôrîz eto eployî mi al plaece di èm, çou ki dinreut des prononçaedjes avou /ɛ.mij.ɛ.fã/

Vola, c' esteut m'-n/mi esplikêye :-)

Dj' a seulmint comprindou ç' ki vos vloz dire. Dji prindrè asteme cwand dji scrirè mes noveas årtikes.