waerleu

Walon (Rifondou) candjî

Tayon-bodje vî francike « wari wulf » (minme sinse), avou ratournaedje di «wulf» a «leu»; adon directumint racuzinåve avou l' inglès « werewolf », l' almand « Werwolf », li neyerlandès « weerwolf », li daenwès « varulv », li suwedwès « varulv »; l' aplacaedje ordinaire des minmes mots do minme mot a dné «leu-waerou».

AFE :
- diferins prononçaedjes : /wɛʀ.ˈløː/ /waʀ.ˈløː/ /wɛl.ˈløː/ /wɛl.ˈlœ/
- prononçaedje zero-cnoxheu : /wɛʀ.ˈløː/
Ricepeures : waer·leu

singulî	pluriyal
waerleu	waerleus

waerleu omrin

(doûce creyance) (no d’ tolu) ome ki s' candje a leu, et fé do må ås djins.
- C' est ddja tolminme on pô drole di vey èn efant ki n' a pont d' ådje si plaire a-z ôre totes les shijhes des cayets d' macralreye u des contes di waerleus — Lucyin Mahin.
ome brouxhir ki trinne avå les voyes, et ki fwait sogne.
- Bén sacré grand waerleu, avou t' mouzon come plinne lune et tes ouys come ene marcote ! — Robert Mathieu (fråze rifondowe).
- Leyoz mu cori come li waerleu ki fote ses strenses dins les rouwales — Émile Gilliard (fråze rifondowe).
- C' esteut on grand waerleu k' on veyeut berôler mierseu ttavå les campagnes — Motî Gilliard (fråze rifondowe).
(pa stindaedje do sinse) waeraxhe tins, rimetou a djin.
- Dji so l' pemî stocaesse ki l' tonoere a coixhî
  Et so mes coxhes setcheyes, on voet flani les foyes
  Ki l' grand waerleu d' ivier, tins k' serè-st on fafouye
  A vnou gougnî, råyî, casser, dispårpiyî — Jean Guillaume, Disk' å solea p. 93 (fråze rifondowe).
(no d’ inseke) sôre di fåtcheu.