tini pîce eshonne

Li rfondaedje di ç’ mot cial est co so balance. Fåt i scrire « tini pîce eshonne » u « tini pîces eshonne » ?

Walon (Rifondou)

Etimolodjeye

Shûte des mots : « tini » + « pîce » + « eshonne ».

Vierbire

tini pîce eshonne

1. (v. sins coplemint) si tini comifåt.
   • Amon nozôtes, ene måjhonêye, c' est ene sacwè ki tént pîce eshonne. — Lucien Somme (fråze rifondowe).
2. (v. sins coplemint) (sovint dvins on noyaedje) ki tént bon, ki n' toûne nén a bokets.
   • On vî meube ki n' tént pus pîces eshonne. — Motî Haust (fråze rifondowe).
   • Sint Djan, sint Pire, et Sint Antône,
     K' estént frisses ouy å matén,
     D' aveur stou kibouyîs tot l' tins,
     Ni tnèt cåzu pus pîce eshonne. — Joseph Vrindts, « Pâhûles rîmês » (1897), "Li martchand d’posteûres", p.52 (fråze rifondowe).
3. (v. sins coplemint) (sovint dvins on noyaedje) ki pout dimani stampé, roter droet.
   • Å bresse do pôve diåle k’ el remoenne,
     Li sôlêye si lait halcoter,
     I ploye so ses djambes po roter
     Come onk ki n’ tént pus pîces eshonne. — Joseph Vrindts, « Pâhûles rîmês » (1897), «Li jou d’l’ an», p.96 (fråze rifondowe).

Contråve

• toumer e blesse
• si dihåmoner
• waguer evoye

Ratournaedjes

tini pîce eshonne

• Francès : tenir debout ^(fr), rester intact ^(fr), rester en ordre ^(fr)