tchesturlinne

Walon (Rifondou)

Prononçaedje

• AFE :
  • diferins prononçaedjes : /t͡ʃɛstyʀlɛ̃n/ /t͡ʃɛstyʀlɛːn/
  • prononçaedje zero-cnoxheu : /t͡ʃɛstyʀlɛ̃n/

Sustantif

	singulî	pluriyal
omrin	tchesturlin	tchesturlins
femrin	tchesturlinne	tchesturlinnes

tchesturlinne femrin

1. feme d' on signeur del Moyinådje; dame del nôblesse k' av' on tchestea da sinne.
   • Leye a aclevé l' båshele come si mere; on sait bén k' l' instruccion des tchesturlinnes, c' esteut rén — Gaston Lucy (fråze rifondowe).
   • Mins l’potince n’y prind nin astème, nèni, i fwèrcih’ l’ouh’ dè l’såle dè djudj’mint, èt sins tûser ås pônes qui cisse plèce là a catchî, i vole d’ine hope disqu’à l’tchambe dè l’tchèsturlînne— Joseph Mignolet, "Li payis des soteas", 1926, p. 81.
2. feme do propietaire (u comere k' est prôpietaire) d' on tchestea modiene.
   • Li passeu d' aiwe inméve ôte tchoi k' ene tchesturlinne : Si rapeçtêye naçale et ses vîs naivirons Lyi dnént des ôtès djoyes ki l' pus bele des mayons — Joseph Vrindts (fråze rifondowe).
   • Tchesturlinne, vos avoz del poenne (Michel Azaïs).
3. (belès-letes) ritche, nôbe damjhele.
   • Qwand c’èst qu’dji v’s’årè dit qu’èle aveût ’ne taye di rin-ne
     Et dès mains fènes èt blankes come ine vrèye tchèsturlin-ne,
     — Dès mains d’ovrîre portant, sins bague èt sins diamant —
     Vos comprindrez poqwè dj’n’aveû pus qu’lèye èl tièsse
     — Émile Wiket, "Fruzions d' cour", p.30.

Ortografeyes

Après 1900, foû rfondou (Feller, Feller ricandjî, nén Feller) :

• tchèsturlinne : E170

E rfondou walon :

• tchesturlinne : R9 ^(lére)

Ôtès ortografeyes (avou des sourdants nén rkinoxhous) :

• tchèsturlînne : — Joseph Mignolet.

Ratournaedjes

tchesturlinne

• Inglès : lady ^(en) of a manor ^(en)
• Espagnol : castellana ^(es)
• Francès : châtelaine ^(fr)
• Itålyin : castellana ^(it)
• Sicilyin : castiddana ^(scn)