tchantreye

Walon (Rifondou)

Etimolodjeye

Do viebe « tchanter » avou l’ cawete « -reye ».

Prononçaedje

AFE :
- diferins prononçaedjes : /t͡ʃã.tʀɛj/ /t͡ʃã.tʀiːj/ /t͡ʃã.tʀiː/ (betchfessî ey)
- prononçaedje zero-cnoxheu : /t͡ʃã.tʀɛj/
Ricepeures : tchan·treye

Sustantif

singulî	pluriyal
tchantreye	tchantreyes

tchantreye femrin

(muzike) trope di djins ki tchantèt eshonne.
- A droete, so on scanfår, gn a ene tchantreye k’ etone el tchant des Walons.
- Li brut del tchantreye, les muzikes,
  L’ ôr des banires k’ i voet rglati,
  Des cårpeas k’ passèt sins moti, tot poirtant des viyès erlikes
  Fjhèt leus miråkes. — Joseph Vrindts, ”Vîx Lîge” (1901), p.133, “Li Présint à l’Avierge” (fråze rifondowe).
- Li tchantreye s' a metou a vanter l' Signeur — Pierre Lazard (fråze rifondowe).
(belès-letes) tchant.
- Mins l’ veye ni si stantche måy : les oujheas ravolît,
  Ricmincît leus tchantreyes ; li viye tere ferit ene foice
  Et les bouxhons spatés ridressît leus ramayes
  — Henri Simon, "Li rvindje di l' åbe" (fråze rifondowe).
- Å vraiy, avou leu-z adawiante tchantreye
  Ki vs mete e l’ åme ene doûce miråcoleye,
  Åtoû d’ lu, les sapéns lyi fjhèt-st on bea docsal
  Et d’ å lon, bén des djins, pinsant vey ene eglijhe,
  S’ ehåstèt. — Jules Claskin, « Airs di flûte et autres poèmes wallons », édition critique de Maurice Piron, 1956, « Li plope », 1923, p.33 (fråze rifondowe).
- Mins si nosse cok ritchante come el fjha tant davance
  Tot-z evoyant viè l' cir ene muzike d' esperance,
  Ki fwaiye ossu vey k' il est foirt.
  S' i nos fwait-st on cour d' ôr avou tote ses tchantreyes,
  A ! K' i prinde bén asteme a nosse fire Walonreye
  Po k' i n' soexhe måy haeyou d' nos moirts !— Louis Lagauche, "L' inmant", Ås walons, (1947), p. 122 (fråze rifondowe).
(vî mot) (e l’ eglijhe catolike) ofice, benefice d' on tchanrea