rouflåde

Walon (Rifondou)

Etimolodjeye

Do viebe « roufler » avou l’ cawete « -åde »

Prononçaedje

• AFE :
  • diferins prononçaedjes : /ʀu.ˈflɔːt/ /ʀu.ˈflaːt/ /ʀu.ˈfloːt/ (betchfessî å)
  • prononçaedje zero-cnoxheu : /ʀu.ˈflɔːt/
• Ricepeures : rou·flåde

Sustantif

singulî	pluriyal
rouflåde	rouflådes

rouflåde femrin

1. apougnaedje di djins ki s' batèt.
   • Li bagåre divna djeneråle; kéne rouflåde (…) ça bouxhive, ça hagnive, ça soukéve, ça s' pingnive. — Jean-Pierre Dumont (fråze rifondowe).
   • C' est rouflåde divins les nûlêyes
     Paski Sint Nicolai
     Vout fé bårete ciste anêye
     — Jean-Pierre Vervier (fråze rifondowe).
   • I m' vont tertos chtroumfer ene rouflåde, asteure ki leu machene est spiyeye— Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 49 (fråze rifondowe).
2. adåraedje (ene miete waeraxhe) di djins.
3. (mot d’ meteyo) arivêye di waeraxhe vint.
   • A droete, on grand meur sere li waide djondant.
     Al hintche, des wåmires ont l’ air di s’ sitrinde
     Come s’ ele avént sogne ki l’ rouflåde des ans
     Ni råye leus toets d’ wå ki mancèt d’ adschinde. — Jules Claskin, « Airs di flûte et autres poèmes wallons », édition critique de Maurice Piron, 1956, « Riv’nou », 1911, p.84 (fråze rifondowe).
   • Ene teribe rouflåde di vint si rispårda sol plaece a ç' moumint la — Jacques Warnier (fråze rifondowe).

Parintaedje

Loukîz a : « rouf »

Sinonimeye

• (apougnaedje) : Loukîz a : « margaye »
• (arivêye di foirt vint) : Loukîz a : « houfêye »

Ortografeyes

Après 1900, foû rfondou (Feller, Feller ricandjî, nén Feller) :

• roushlande : E165
• rouflåde : E1, E170

Ôtès ortografeyes (avou des sourdants nén rkinoxhous) :

• rouflande : e165

Li mot n’ est nén dins : E203

Sipårdaedje do mot

w. do Levant

Ratournaedjes

apougnaedje Loukîz a : margaye

• Francès : bagarre ^(fr), rixe ^(fr)

adåraedje

• Francès : bousculade ^(fr), ruée ^(fr)

arivêye di foirt vint Loukîz a : houfêye

• Francès : bourrasque ^(fr)