roudion

Walon (Rifondou)

Etimolodjeye

erî-rfwait mot-brut "roud", avou l’ cawete « -ion ».

Prononçaedje

• AFE :
  • diferins prononçaedjes : /ʀu.ˈdjɔ̃/ /ʀu.ˈd͡ʒɔ̃/ /ʀu.ˈd͡ʒɔː/ /ʀu.ˈɡjɔ̃/ /ʀu.ˈljɔ̃/ /ʀu.ˈmjɔ̃/ /ʀu.ˈjɔ̃/ /ʀy.ˈdjɔ̃/ /ʀy.ˈd͡ʒɔ̃/ miersipepieuzmint el notule ALW 9.87, ey el mape ALW 9.25.
  • prononçaedje zero-cnoxheu : /ʀu.ˈdjɔ̃/
• Ricepeures : rou·dion

Sustantif

djeu d' roudions, ribatijhî "xhiltî" (portrait saetchî pa L. Mahin).

roudion o.

1. xhilete des tchvås.
   • Les roudions, les aessis, les corijhes et les djins Xhiltèt, crînèt, xhlakèt, breyèt — H. Simon (fråze rifondowe).
   • L' ome e sårot, a costé, tineut l' lignete sins dire on mot, tins k' les roudions xhiltént leu djoye — J. Docquier (fråze rifondowe). (J. Docquier).
2. (pus stroetmint) pitite xhilete (eneviè les clabots, pus gros), k' on nd agritchive sacwantes après l' gorea.
3. malton.

Ratourneures

djeu d' roudions: sacwants roudions metous après ene laxhe di cur.

Parintaedje

• roudiner

Sinonimeye

• (garlot des tchvås): garlot, clabot, clotchin, roro.

Ortografeyes

Divant 1900 :

• roudion : E212

Après 1900, foû rfondou (Feller, Feller ricandjî, nén Feller) :

• roumion : G209, S0
• rudjon : G209
• rudion : E1, G209, S0
• roudjon : E1, G209
• roubiån : G209
• rouguion : G209
• roudion : E1, G209
• roudjô : G209
• roulion : G209
• rouyon : G209

E rfondou walon :

• roudion : R10 ^(lére)

Ratournaedjes

garlot

• Francès : grelot ^(fr)

malton

• Francès : bourdon ^(fr)