panea-cou

Walon (Rifondou)

Etimolodjeye

Aplacaedje tîxhon : «panea» + «cou».

Mot-fråze

panea-cou (nén candjåve)

1. (dins èn arinnoe) ome ki s' pormoenne avou l' cou djusse catchî pa on panea.
   • Les djins ki nos veyént nos criyént « panea-cou ! ». — Juliette Franquet (fråze rifondowe).
2. nouv côps so dijh dins l’ ratourneure : «a panea-cou»

Ratourneures

1. Panea-cou Pladje : plådje so l' Aiwe d' Oûte, a Lidje, la k' les pôves ki n' avént pont d' mayots s' alént bagnî a panea-cou.

Ortografeyes

Divant 1900 :

• a-panaikou : E203 ^(lére)
• panaikou : E203 ^(lére)

Après 1900, foû rfondou (Feller, Feller ricandjî, nén Feller) :

• panê-cou : E1

Ratournaedjes

ome ki s' pormoenne avou djusse on panea po catchî s' cou

• Francès : cul-tout-nu ^(fr)

Sustantif

singulî	pluriyal
panea-cou	panea-cous

panea-cou omrin

1. onk ki n' a nén l' dåre di fé ene sacwè d' dandjreus, d' målåjhey.
   • Dj' veya s' såver troes djonnès sotes,
     Et pwis rpasser … troes panea-cous ! — Martin Lejeune, "Œuvres lyriques du poète Martin Lejeune" p. 104, "Trop′ èhåstés !" (fråze rifondowe).
   • –Et si l' caisse esteut vude ?
     –T' as l' pepete, hin ? Panea-cou ! Est-ç' ki dj' a yeu sogne pol cofe di m' pere, mi ? … Alez, hay ! — Paul-Henri Thomsin, ratournant Maigret èt l’danseûse d’å Gai-Moulin, 1994, p. 5 (fråze rifondowe).

Ortografeyes

Après 1900, foû rfondou (Feller, Feller ricandjî, nén Feller) :

• panê-cou : E1

Ratournaedjes

onk ki n' a nén l' dåre di fé ene sacwè d' dandjreus, d' målåjhey

• Francès : poltron ^(fr), lâche ^(fr), couard ^(fr) pleutre ^(fr) frippon ^(fr)

Addjectif

	singulî	pluriyal
omrin	panea-cou	panea-cous
femrin padrî	panea-cowe	panea-cowes
femrin padvant	panea-cowe	panea-cowès

panea-cou omrin (come addjectif djondrece, metou padvant u padrî l’ no)

1. ki n' a nén l' dåre di fé ene sacwè d' dandjreus, d' målåjhey.
   • Meye tones di bire, ci n' est nén vraiy,
     Dji n' a måy sitou panea-cou. — Jean Bury, Joyeux rèspleus (1899), "Ine ome tot oute" (fråze rifondowe et rarindjeye).
   • Djannesse cwita l' mônreye après aveur stou dire
     Årvey ås camaerådes k' avént ene låme al påpire,
     Minme li tchén ki hawéve come po dire : « prind m' avou
     Dji t' inmrè bén mi k' lu si t' es minme panea-cou ! » — Louis Lagauche, "Mayon" (1923), p. 33 (fråze rifondowe).

Ortografeyes

Après 1900, foû rfondou (Feller, Feller ricandjî, nén Feller) :

• panêcou : E1

Ratournaedjes

ki n' a nén l' dåre di fé ene sacwè d' dandjreus, d' målåjhey

• Francès : poltron ^(fr), lâche ^(fr), couard ^(fr) pleutre ^(fr) frippon ^(fr)