ombrire

Walon (Rifondou)

• 
  Botaye d’ aiwe metowe a l’ ombrire.
• 
  Ombrire d’ èn oujhea.

Etimolodjeye

Bodje « ombr- » ‎(« ombe ») avou l’ cawete « -ire »

Prononçaedje

• AFE :
  • prononçaedje zero-cnoxheu : /ɔ̃.ˈbʀiːʀ/ (minme prononçaedje pattavå)
• Ricepeures : om·brire

Sustantif

singulî	pluriyal
ombrire	ombrires

ombrire femrin

1. plaece catcheye do solea, cwand ci-ci lût.
   • On s’ ashît e l’ ombrire d’ on bouxhon po rciner et taper ene divize, tot magnant s’ fadêye, avou on doet spès d’ makêye å bouré dsu, a t’ fé djéryî, valet — Joseph Lahaye (fråze rifondowe).
   • Sins l’ solea, ti n’ åreus pont d’ ombrire — Georges Smal (fråze rifondowe).
2. dessén fwait pa on coir di l’ ôte costé d’ ene loumire.
   • Les ombrires si stindèt å raeze des åbes et des bouxhons — André Henin (fråze rifondowe).
   • Låvå sol soû, plinne di farene,
     Come ene andje esconte do solea
     Li djonne mônresse waite sol pazea
     Ene ombrire d’ aiyes — Georges Smal (fråze rifondowe).

Parintaedje

Loukîz a : « ombe »

Sinonimeye

• ombe
• ombraedje

Sipårdaedje do mot

Basse Årdene, w. do Mitan (payis d’ Cînè)

Ortografeyes

Après 1900, foû rfondou (Feller, Feller ricandjî, nén Feller) :

• ombrîre : C13, G203 p. 176, S0, S17, S109, S117

E rfondou walon :

• ombrire : R10 ^(lére), FR13 (a « ombre »)

Li mot n’ est nén dins : R13

Ratournaedjes

ombe

• Arabe : ظلّ ^(ar) = ظِلّ =‎ dhill
• Arabe marokin : ضلّ ^(ary) =‎ 8ell
• Almand : Schatten ^(de)
• Inglès : shadow ^(en)
• Espagnol : sombra ^(es)
• Francès : ombre ^(fr)
• Maltès : dell ^(mt)
• Neyerlandès : schaduw ^(nl)
• Kimon amazir marokin : ⴰⵎⴰⵍⵓ ^(zgh) =‎ amalo

Waitîz eto

Lijhoz l’ årtike ombe so Wikipedia