munou

Walon (Rifondou)

Plinne cogne	Spotcheye cogne
munou	mnou

Li rfondaedje di ç’ mot cial est co so balance. Fåt i scrire « munou » u « m(i)nou » ?
Sol wiccionaire, vey li bate di dvizes. 

Etimolodjeye

Tayon-bodje latén « minutum » (minme sinse)

Prononçaedje

• AFE :
  • diferins prononçaedjes : /mi.ˈnu/ /mɛ.ˈnu/ /my.ˈnu/ /my.ˈny/ /mœ.ˈny/ /mɛ.ˈny/
  • prononçaedje zero-cnoxheu : /my.ˈnu/
• Ricepeures : mu·nou

Addjectif

	singulî	pluriyal
omrin	munou	munous
femrin padrî	munowe	munowes
femrin padvant	munowe	munowès

munou omrin (come addjecif djondrece, todi metou padvant l’  no)

1. • Li frumele ewaerêye s’ evole
     Trop mnowe po disfinde si bagnole— Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

I. [addj. todi padvant] pitit, fén. F. menu.

1. al minowe mwin ene a ene, tot djåzant d' martchandijhes.
   • Il ont tchessî tos les vindeus al minowe mwin evoye.

   F. au détail.

II. [adv.]

1. tot fén.

   F. menu.

   kitaeyî mnou

   a) kitaeyî tot fén. F. hacher menu.

   b) fote ene dobleure a (ene sakî). S' i vnèt, nos les ctaeyrans pus mnou ki plakeu n' fijha måy fistou (vîs papîs 1631, ramexhné pa J. Haust). F. réduire en pièces.

   rusteler mnou ramasser disk' å dierin fistou.

2. a bråmint.
   • I vénront ossu mnou ki des tropeas d' motons (vîs papîs 1700, ramexhné pa J. Haust).

   F. dru, en rangs serrés.

   Gn aveur tot mnou gn awè toplin.

   • I n a des pemes tot mnou ciste anêye (ramexhné pa J. Haust).

   F. à foison.

3. foirt.
   • Il ovrèt tot mnou.

   F. d'arrache-pied, avec acharnement.

Omofoneye possibe

• avou m(e)nu : menu (cwåte di restorant, dressêye d' on dinner).
• avou vnowe : v(i)nowe (arivêye).
• avou minou : minousse (tchet, boute di så, di côrî).

Mots d’ aplacaedje

• Minoufontinne (M'nufontin.ne)
• Minoutchenoe (Mënuch'nè)

Ortografeyes

Après 1900, foû rfondou (Feller, Feller ricandjî, nén Feller) :

• m(i)nou ( minou / m’nou u v’nou), m(i)nowe ) : E1

E rfondou walon :

• m(i)nou, m(i)nowe : R10 ^(lére), R11 ^(lére)

Sustantif

singulî	pluriyal
munou	munous

munou omrin (nén contåve) todi singulî

1. fén tcherbon.
   • On mouyive li mnou pol broûler — Motî del Lovire (fråze rifondowe).

   alez s' broûler vo mnou eyou çki vos avoz broûlé vos gayetes dijhêye d' ene comere a on galant k' ele sait bén k' il è va vey ene ôte.