fé berwete

Walon (Rifondou)

Etimolodjeye

Shûte des mots : « fé » + « berwete#Walon 2 » + « berwete ».

Vierbire

fé berwete

1. èn nén adiercî s’ côp (rater ene sacwè).
   • Tote one vikérîye dins on covint. Et là qu'asteûre èle si r'trove tote seûle à Goyèt. Douvint ? Aureut-èle fait bèrwète ? Travayî à nonsyince ? Èle sè l' dimande— Émile Gilliard.
   • Li pé d’ tot, avou l’ ortografeye francesse, c’ est k’ tertos dit k’ elle est biesse mins, tchaeke côp k’ on-z a asprové d’ el candjî, on-z a fwait berwete — Willy Bal (fråze rifondowe).
   • - On-z a fwait berwete ?
     - On-z a fwait kine, vouss dire — Albert Maquet (fråze rifondowe).
   • Si l' pôve curé fwait måy berwete
     Li veke lyî magnrè tote si rcete— JMou, Paskeye istorike so tote li sinte botike, 1846.
   • « C’ est sene ki dji n’ frè nén berwete,
     Si dj’ hape asteure li pårt do tchîf,
     Torade dj’ atelrè ene grosse payasse,
     Po nd eraler dji vou kékes beas— Joseph Vrindts, ”Vîx Lîge” (1901), p.9, “Ine Mâle Journêye” (fråze rifondowe).
   • S' i vént måy a fé berwete c' e-st adon ki l' biesse serè foû måle et k' ele boutrè l' feu a nosse viyaedje ! Nos serans massacrés !— Paul-Henri Thomsin, ratournant e walon Walon’rèye, tére di lédjindes, 1998, p. 9 (fråze rifondowe).

Sinonimeye

• rater, tourner a bråwe

Mots vijhéns

• fé corwêye

Contråve

• reyussi
• adiercî s’ côp
• fé kine

Ratournaedjes

èn nén adiercî s’ côp

• Arabe : فشل ^(ar) = فَشَلَ =‎ fachala
• Arabe marokin : سقط ^(ary) = سْقط =‎ sqe6
• Inglès : to fail ^(en), to loose ^(en)
• Francès : échouer ^(fr), rater ^(fr), capoter ^(fr), se casser les dents ^(fr), faire chou-blanc ^(fr)