colere

Walon (Rifondou)

Etimolodjeye

Tayon-bodje latén « cholera » ‎(« bile, colere »), pal voye do francès « colère » .

Prononçaedje

• AFE :
  • diferins prononçaedjes : /kɔ.ˈleːʀ/ /kɔ.ˈlɛːʀ/
  • prononçaedje zero-cnoxheu : /kɔ.ˈleːʀ/
• Ricepeures : co·lere

Sustantif

singulî	pluriyal
colere	coleres

colere femrin

1. fele reyaccion conte çou ki coixhe on sintimint.
   • Tronner d' colere. — Motî Haust (fråze rifondowe).
   • Ni ns atirans nén l' colere do Bon Diu. — Motî Forir (fråze rifondowe).
   • Il esteut dvins ene colere ki ci n’ est nén di dire ! — Henri Simon, « Li bleû-bîhe » 1886, (eplaidaedje da Jean Haust e 1936), p.27 (fråze rifondowe).
   • Deus ouys d’ andje , enocints, bén sertis dvins leu heve
     Divnît les ouys blamants di nosse prumire mere Eve
     Ces muroes d’ l’ åme savèt nos mostrer toû a toû
     L’ imbaras, li colere, li mepris ou l’ amour. — Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
   • Cwè çki c' est, breya-t ele li mere
     Vos spiyîz l' manaedje, don, brigand !
     Et, sol prumî mouvmint d' colere,
     Ele dene ene petêye a l' efant — Georges Ista (fråze rifondowe).
   • Catrene, leye, k’ a pierdou ås cwårdjeus tote li shijhe, assotixh di colere, et fwait on vizaedje come ene seure peme. — Georges Alexis (fråze rifondowe).
   • Lerminiaux, plin d’ colere, atakéve el ralaedje-plin e grawant, e fousnant avou ses durès mwins — Léon Mahy, Pa d'zous 'ne bèle fleur (fråze rifondowe).

Ratourneures

1. adji dvins l’ colere, c’ est s’ ebarker dvins on timpesse.
2. aveur des målès coleres.
3. bleme di colere ou bladje di colere.
   • Et ci fout, tot bleme di colere,
     Ki dåra viè li ptit cårpea. — Joseph Vrindts, ”Vîx Lîge” (1901), p.80, “Li p’tit Pît’lé” (fråze rifondowe).
   • Les cis k' ont stî ritches di disbene
     Et k' ont télmint ployî leu schene
     K' on pinse todi lzès vir scheter...
     Les nukieus, les stroupyîs, les laids Ki s' ont dvou crever dvant d' crever...
     I seront la, bladjes di colere...
     I vos racontront leu-z istwere... — Franz Dewandelaer (fråze rifondowe).
4. bleu d’ colere.
   • El Sindje, tot bleu d' colere måtraitive li Peroket d' fafiåd
     Dijhant ki, di s' cråsse linwe, i n' bayreut nén deus liårds;
     Tertos s' mokéve di yeusses; on riyeut come des sots. (J. Defrane).
5. esse e colere.
   • Il esteut e colere cwand il a siné çoula. — Motî Forir (fråze rifondowe).
   • Dji so-st e colere. — Motî Haust (fråze rifondowe).
6. si mete divins ene araedjeye colere : si måvler timpesse.
7. si mete e colere.
   • I s' mete vite e colere. — Motî Forir (fråze rifondowe).

Parintaedje

• colereus

Sinonimeye

• emåvlaedje (råle)
• enondaedje

Mots vijhéns

ledjire colere

• agaçaedje
• agaçmint
• eniervumint

foite colere ki n' si pout ratni

• araedje
• araedjîsté

Ortografeyes

Divant 1900 :

• kolér : E203 ^(lére)

Après 1900, foû rfondou (Feller, Feller ricandjî, nén Feller) :

• colere : O4
• colére : C1, E1, O4

E rfondou walon :

• colere : R10 ^(lére)

Ratournaedjes

colere

• Francès : colère ^(fr), ire ^(fr), courroux ^(fr)

bleme, bladje di colere

• Francès : blême de colère ^(fr), vert de colère ^(fr)

si mete e colere

• Francès : se mettre en colère ^(fr)