bawaite

Walon (Rifondou)

Etimolodjeye

Aplacaedje di : « ba » + « waite ».

Prononçaedje

• AFE :
  • diferins prononçaedjes : /baː.ˈwɛːt/ Prononçaedje a radjouter
  • prononçaedje zero-cnoxheu : /ba.ˈwɛt/
• Ricepeures : ba·waite

Mot-fråze

bawaite (nén candjåve)

1. mostere k’ on nd a d’ keure.
   • Bawaite ! ci n’ est k’ des mintreyes ! — Motî do Coûtchant walon (fråze rifondowe).
   • On a rovyî do lyi dmander douvént k’ on loméve si binde « les bribeus d’ toubak » ; bawaite ! ci serè po èn ôte côp. — Lucyin Mahin.
2. mostere k’ on n’ a nén çou k’ on ratind, k’ on n’ croet nén kel fråze di dvant (u d’ après) si va passer.
   • Bawaite ! i n’ vénrè nén, il est trop couyon ! — Motî do Coûtchant walon (fråze rifondowe).
   • Lu, payî ene toûrnêye ? bawaite, i n’ pout bén må ! — Motî d’ Cerfontinne (fråze rifondowe).
   • Dj’ esteu reclôs dins l’ mene ; dji criyeu, dji rboerléve come on vea, dji tapéve come on sot so les bwejhaedjes ; bawaite ; gn a rén ki respondeut ! — Jean Fauconnier (fråze rifondowe).
   • C’ esteut ene bele cacaye, ci revey la ; bawaite ! gn aveut tot ki rexheut foû. — Jean-François Brackman (fråze rifondowe).
3. mostere li sbarmint, avou kécfeye on rprotche.
   • Bawaite ! gn aveut rén d’ ôte a fé ki d’ aler mete ene buvete lavola !
   • Dji contéve l’ inviter al dicåce ; bawaite ! vo l’ la moirt !
   • Les condjîs, cwand ça comince, on a l’ idêye k’ i n’ finiront djamåy ; bawaite ! Ça court, ça file, ça passe co pus roed k’ el vint d’ bijhe ! — Georges Fay (fråze rifondowe).

Mots d’ aplacaedje

• bawaite ki

Mots vijhéns

• bawich
• bernike

Sipårdaedje do mot

w. do Coûtchant, Basse Årdene

Ortografeyes

Après 1900, foû rfondou (Feller, Feller ricandjî, nén Feller) :

• bâ-wêt′ : O0
• bâ-wèt : O2

E rfondou walon :

• bawaite : R9 ^(lére), R11 ^(lére)

Ratournaedjes

mostere k’ on nd a d’ keure

• Francès : bah ^(fr), bof ^(fr)

mostere k’ on n’ a nén çou k’ on ratind

• Francès : bof ! peine perdue ! Fichtre !

mostere li sbarmint, avou kécfeye on rprotche

• Francès : ça alors !, que du contraire ! Tu penses !

Omofoneye

• (possibe) bawete