Sujet sur Uzeu copene:Lucyin

@Èl-Gueuye-Noere

El pout on leyî dinsi so Wikipedia, si c' est do picård, dabôrd, come vos l' av metou vaici. Il est acertiné dizo ciste orthografeye ci : Antweon, divins l' Rantoele lº 34.

Sorlon mi, vos av råjhon del mete come picård, dji mi voe nén dire ene sacwè come /ɑ̃.twɛ.ɔ̃/ u /ɑ̃.twɛ.jɔ̃/, ni minme /ɑ̃.twɔ̃/. Dins m' cåzaedje coûtchantrece dji direu purade Antwén u Antwin (al môde francesse ?), u co Antongne, u motoit minme Antogne. Sorlon TG4, ça vénreut do latén Antonius (fr. Antoine) : Antoenne. Nos vla bén !

Bondjoû tertos,

Dj' el aveu trové vaici. El rujhe, c' est k' les nos roci n' sont nén e rfondou (d' asteure), mins : e vî-rfondou, e Feller, u co dins nos ôtes lingaedjes coinreces (dj' ô bén, l' Antweon do picård). Al epoke, mi, dji n' el saveu nén. Dj' a coridjî li flotche k' esteut dins l' årtike Wikipedia.

C' est vormint ene sacwè foirt målåjheye. Dispu don, dj' a schoûté ci son la, k' est DJUSSE do picård di Tornè.

https://atlas.limsi.fr/sounds/Tournai.mp3

Li fråze toitche-linwe:

El djonne ome a mindjî del tåte ås pronnes ey il a fwait dins s' marone => El djonneome a mindjî del tåte ås preones ey il a fait dins s' mareone

=> Motoit rortografyî Antwon

Dji so purade d' acoird avou l' atåvla da Lucyin. Dj' inme mî on picårdixhaedje k' on francixhaedje ; foiravant k' Antweon est (dj' ô bén : normåldimint) dins on spåce picård-cåzant.

Antwon, ça m' shonne ene miete drole, mins pocwè nén.

Divins « Ly Myreur des Histors », t. 6, da Jean d'Outremeuse (on lidjwès) on trouve ene vîye cogne Antongne (e vî francès).

Dji va sayî d' vey si dj' ni trouve rén dvins les Bourdons.

Dj' inme mî on picårdixhaedje k' on francixhaedje ; foiravant k' Antweon est (dj' ô bén : normåldimint) dins on spåce picård-cåzant.

C'est comike di lére çoula, adon k' les picårds zels-minmes ont ptchî d' prinde li cogne francesse : w:pcd:Antoing. Come cwè, on n' riwaite nén tertos do minme ouy...

> les picårds zels-minmes ont ptchî d' prinde li cogne francesse

Li rujhe avou les nos d' plaece dins les ptits lingaedjes, c' est ki les cåzeus d' å lon, dijhans did pus d' 10 km (cial les cis ki scrijhnut l' Wikipedia picård) ni cnoxhnut nén li prononçaedje des djins do payis. Foiravant ki ciddé, c' est èn ôte payis et k' les Francès n' ont nén les documints walons. Motoit lezî dire cwè so leu wiki.

Li fråze tipike po vey si vos savoz l' tornizyin: https://upload.wikimedia.org/wikipedia/commons/e/e7/Pcd_fr%C3%A5ze_e_pic%C3%A5rd_tornizyin.ogg

Dj' a rmetou ene pitite paltêye so les deus Wikis (walon eyet picård).

Dji lezî a eto leyî on ptit messaedje roci : https://pcd.wikipedia.org/wiki/Discussion:Antoing

A vir.

Dj' a trové ene novele piceure, dispu k' on a on modele "dizo-tite": => mete li picård di R1 e clintcheyès letes.

I fådreut k' on djoû, on rwaite eshonne les nos di plaeces. C' est, a m' shonnance, li pus grand (ubén l' onk des pus grands) tchantî(s) d' nosse lingaedje. Todi sorlon mi, ci sreut ene bele tchôze pol rifondaedje. ;-)