wiyete

Walon (Rifondou)

Etimolodjeye

Bodje « wiy- »" (loukîz a "wiyinme"), avou l’ cawete « -ete ».

Prononçaedje

• AFE :
  • diferins prononçaedjes : /wijɛt/ /wihɛt/
  • prononçaedje zero-cnoxheu : /wijɛt/

Sustantif

singulî	pluriyal
wiyete	wiyetes

wiyete femrin

1. djonne feye nén foirt serieuse, ki s' gåyote toltins.
   • Mins l' pretins, parey k' ene wiyete, candje di vizaedje a tot cô bon — Jean Rode (fråze rifondowe).
   • E leu lét, les wiyetes forcrexhént a djouxhire — Eli Michel (fråze rifondowe).
   • Vola bén des idêyes ki dji contéve djusses bounes po des cis ki n' veyèt k' totès rozes et verts botons, come divins les istweres po wiyetes— Guy Fontaine (fråze rifondowe).
2. (nén veyou d' mwaijhe pårt) djonne feye.
   • Li wiyete ki dj' inma l' prumire aveut des grands îys di vintche floreye — Louis Remacle (fråze rifondowe).
   • Et dvins tot ç' brouhaha,
     Les ptits côps d' ouy et les clignetes
     Des djonneas, des wiyetes,
     Estént l' sudjet traze et traze côps
     D' on mariaedje a må pô!— Louis Lagauche, "Mayon" (1923), p. 75-76 (fråze rifondowe).

Sinonimeye

• (djonne feye nén foirt serieuse) : tchamarete, haguete, glawene, frénguete, turlurete, djouguete; Loukîz a : « cåcarete »
• (djonne feye) : crapåde, glawene, comere; Loukîz a : « båshele », miersipepieuzmint e l’ notule ALW 17.36

Ortografeyes

Après 1900, foû rfondou (Feller, Feller ricandjî, nén Feller) :

• wihète : E1

Ratournaedjes

djonne feye nén foirt serieuse Loukîz a : cåcarete

• Arabe marokin : قوقة ^(ary) =‎ qoqa
• Francès : jouvencelle ^(fr), nana ^(fr), gonzesse ^(fr)