sordjoû

Walon (Rifondou)

Etimolodjeye

Bodje « djoû » avou l’ betchete « sor- ».

Prononçaedje

• AFE :
  • diferins prononçaedjes : /sɔʀ.ˈd͡ʒuː/ /sɔʀ.ˈd͡ʒu/
  • prononçaedje zero-cnoxheu : /sɔʀ.ˈd͡ʒuː/
• Ricepeures : sor·djoû

Sustantif

singulî	pluriyal
sordjoû	sordjoûs

sordjoû omrin

1. (mot do bastimint) cwårea k' on n' voet nén houte, metou dins l' tchessi al copete d' èn ouxh d' intrêye et ki leye passer l' loumire do djoû.
   • Dji n' veyeu k' ouxhs di fier, bawetes, sordjoûs, ferous — Lucyin Mahin, ratournant François Bovesse.
   • I ralouca les fotos al flåwe loumire do sordjoû. — Lucyin Mahin.
2. (fizike) (mot d' saetcheu d' portraits, d' cineyasse) sitouwåcion la k' el loumire do solea (u ene ôte) vént did padrî çou k' on vout fotografyî ou filmer.
   • Vos estoz metou dins on sordjoû.
3. portrait saetchî dins ces condicions la, copurade la kel mwaisse-sudjet aparexhe come ene ombrire (metans dins on coûtchî d' solea).
   • Waitîz l' bea sordjoû des rwenes di Volubilisse.

Sinonimeye

• cwårea k' on n' voet nén houte :
  • avantele
  • atike
  • eposse
  • badjoû

Mots vijhéns

• cwårea k' on n' voet nén houte :
  • båkete

Ortografeyes

Après 1900, foû rfondou (Feller, Feller ricandjî, nén Feller) :

• sordjoû : E1
• sordju : E34

E rfondou walon :

• sordjoû : R10 ^(lére), R13

Ratournaedjes

cwårea k' on n' voet nén houte metou dins l' tchessi al copete d' èn ouxh

• Francès : imposte ^(fr), vasistas ^(fr)

sitouwåcion la k' el loumire do solea vént did padrî çou k' on vout fotografyî ou filmer

• Inglès : backlighting ^(en)
• Francès : contre-jour ^(fr)
• Itålyin : controluce ^(it)