si ripoizer

Walon (Rifondou)

Alofômes des viebes å prono avou l' betchete r(i)- / er-

Plinne cogne do prono "si" et del betchete "ri-" (Hôte Årdene avou «su ru-», «sè rè-», «së rë-»)	Spotchaedje d' onk des deus mots (Lidje, Nameur avou s(i) r(i)- / Årdene avou s(u) r(u)-)	cogne Tchålerwè (divanceye voyale)
si ripoizer	si rpoizer / s’ ripoizer	s’ erpoizer

Etimolodjeye

Aplacaedje prono « si » + viebe «ripoizer».

Viebe

si ripoizer (viebe å prono muroetrece)

1. dimorer sins bouter, po s' discrandi.
   • Vos pere et mere, vs åroz vacance :
     Vos vs ripoizrez d' tos vos mås d' rin
     Vos vs tchåfrez påjhûles el coulêye
     [...]Et dji vs racontrè mes foleyes !— Martin Lejeune, Bultén del Societé d' Lidje, "Dj’a dîh-ût ans", tome 43, p. 143 (fråze rifondowe).
   • Ene feme, ene tote viye feme, so s’ payasse essevleye,
     E fond d’ ene pitite tchambe si pôvrumint meublêye,
     Ki n’ aveut nén s’ tcheyire seulmint po s’ adjeni
     Si ripoizéve påjhûle. Ele aveut rindou l’ åme— Joseph Vrindts, ”Vîx Lîge” (1901), p.23-24, “Vîx Souv’nir” (fråze rifondowe).
   • I n' a nén d' cwè s' måvler : c' e-st ene calapante idêye ki les Romins si vnexhe ripoizer cial — Paul-Henri Thomsin, ratournant Astérix amon lès Bèljes, 2022, p. 9 (fråze rifondowe).

Sinonimeye

• si raveur
• rishofler
• si rischaper
• si rapåpyî
• si rapwairi

Ratournaedjes

dimorer sins bouter, po s' discrandi

• Francès : se reposer ^(fr)