savneure

Walon (Rifondou)

Etimolodjeye

Bodje «savon» (avou spotchaedje del cawete « -on »), avou l’ cawete « -eure ».

Prononçaedje

• AFE :
  • diferins prononçaedjes : /sam.nøːʀ/ /sav.nɔʀ/ /sav.naːʀ/
  • prononçaedje zero-cnoxheu : /sav.nøːʀ/
• Ricepeures : sav·neure

Sustantif

singulî	pluriyal
savneure	savneures

savneure femrin

1. aiwe avou do savon dismantchî dvins.
   • Vos estoz bén inmåbe, madame, fjha l' feme al djournêye tot rsouwant ses bresses tcherdjîs d' savneure et fjhant rtoumer les mantches di s' cazawek. — Joseph Vrindts, « Li pope d'Anvers » (1896), p.49 (fråze rifondowe).
   • L' ome fwait les cwanses di rén pu, d' on côp, adjete si bresse come s' il åreut-st avou on rsôrt el sipale, et dlåbore li grognon del glawene avou l' savneure. — Mariette Chinon (fråze rifondowe).
   • Il a pår trové ene eskelete
     Al cimintire dås Recoletes.
     Après on bagn di boune savneure,
     Les oxheas ont rprins leu coleur
     Elz a pindou e s' coujhene
     I dit k' c' est bon po l' aiwlinne. — François Nyns (fråze rifondowe).
   • Cial, c' est ene viye pailete sins cawe;
     La, c' est del savneure dispårdowe;
     Ene schårdêye assiete sol djivå;
     Et des resses di boure totavå
     — Henri Forir, Satire en vers, 1836 (fråze rifondowe).
2. côp al djaive.
   • Way-a-way, dji m’ va co ramasser ene mwaisse savneure, edon ! — Henri Simon, « Janète » 1911, (eplaidaedje da Jean Haust di 1936), p.119 (fråze rifondowe).

Sinonimeye

aiwe avou do savon dismantchî divins

• savnêye

côp al djaive

• Loukîz a : « Motyince:volêye di côps/walon »

Ortografeyes

Après 1900, foû rfondou (Feller, Feller ricandjî, nén Feller) :

• savenâre : E34

E rfondou walon :

• savneure : R10 ^(lére)

Ratourneures

aiwe avou do savon dismantchî dvins

• Francès : eau savonneuse ^(fr), savonnée ^(fr)