s’ abaxhî

Walon (Rifondou)

Etimolodjeye

Aplacaedje prono « s’ » + viebe «abaxhî».

Viebe

s’ abaxhî (viebe å prono muroetrece)

1. discrexhe e hôteur.

   Ene fråze d’ egzimpe est co a radjouter.

2. (pus stroetmint) (tot djåzant d' ene djin) si racrampi tot dmanant so ses pîs.
   • Abaxhîz vs ene gote po ramassî çou k' e-st al tere — Motî Forir (fråze rifondowe).
   • S' abaxhî po ramasser ene sacwè — Motî Haust (fråze rifondowe).
   • Wice k' on n' si pout dressî, i fåt bén s’ abaxhî — Motî Haust (fråze rifondowe).
   • Agnusse, po s’ aswadji cwand ene poenne el sipråtchive,
     Si meteut dvins ene coine di l’ ovroe, s’ abaxhive
     Tot loucant-st åtoû d’ lu. — Joseph Vrindts, ”Vîx Lîge” (1901), p.46, “Agnuss” (fråze rifondowe).
   • Et vola nosse glawene ki prind l' paile a deus mwins, ki s' abaxhe on ptit pô Et rouf! di totes ses foices, elle evole li boûkete Ele l' evola si bén k' on n' l' a måy ritrové. — Georges Ista (fråze rifondowe).
   • Et l’ ome sintant k’ a må fwait,
     S’ abaxhe a totes les potales
     Avou s’ mizere a crås-vea. — Jules Claskin, « Airs di flûte et autres poèmes wallons », édition critique de Maurice Piron, 1956, « Terza Rima », 1923, p.42 (fråze rifondowe).
3. accepter s' planete.
   • Nos estans goviernés pa on moncea d' albrans,
     På vis chnapan d' Alosse eyet l' djandjan d' Målene,
     Deus fayés ipocrites k' on s' abaxhe divant zels;
     C' est yeusses ki sont les mwaisses; Å diåle les deus rônous ! — Philippe Sclaubas (fråze rifondowe).
   • S’ abaxhî dzo l' volté do Bon Diu — Motî Forir (fråze rifondowe).

Sinonimeye

accepter ene sitouwåcion ki nos fwait minåbes

• s’ ahonti

Ratournaedjes

si racrampi tot dmanant so ses pîs

• Francès : s’abaisser ^(fr)

accepter ene sitouwåcion ki nos fwait minåbes

• Francès : s’humilier ^(fr), s’abaisser ^(fr)