etermint

Walon (Rifondou)

Etimolodjeye

Do viebe «eterer» avou l’ cawete « -mint » (des sustantifs fwaits so des viebes)

Prononçaedje

• AFE :
  • diferins prononçaedjes : /ɛ.tɛʀ.mɛ̃/ /ɛ.tɛːʀ.mɛ̃/ /a.tɛʀ.mɛ̃/ /ɛ̃.tɛːʀ.mɛ̃/
  • prononçaedje zero-cnoxheu : /ɛ.tɛʀ.mɛ̃/
• Ricepeures : eter·mint

Sustantif

singulî	pluriyal
etermint	etermints

etermint omrin

1. metaedje e tere d' on coir d' ene djin, d' ene biesse k' on veyeut voltî.
2. ceremoneye divant et après l' metaedje e tere d' on moirt, d' ene moite.
   • Awè, les bôdårds, londjinnmint,
     Passént, passént, po s' aler bate,
     Tot xhuflant des airs d' etermint— Joseph Vrindts, "Racontules et råtchåds" (1920) p.7, "E nosse câve" (1914) (fråze rifondowe).
   • On m' aveut houkî po poirter l' bayåd avou l' waxhea dsu, li djoû di l' etermint. — Henry Matterne (fråze rifondowe).
3. totes les djins et les ekipaedjes ki sont a cisse ceremoneye la, et ki passèt sol voye.
   • L' etermint Passe påjhirmint
     Åd triviè del campagne
     Po ndaler
     D' on pas hodé
     Rpiker l' vî cousse el daegn — Jean Guillaume (fråze rifondowe).

• 
• 

Ratourneures

1. gros etermint u : etermint d’ tos les diåles: etermint avou bråmint des djins.
2. etermint a l' eglijhe u : etermint å curé: etermint après ene messe.
3. etermint a dijh eures u : etermint d' après-nonne : etermint sins passer a l' eglijhe.
4. etermint da Matî l' Oxhea : dujhance a Djudla li londmwin do 15 d' awousse, la k' on etere l' oxhea do djambon k' on-z a magnî.
5. si on soune insi a vost etermint, gn årè dpus d' pourceas ki d' djins : dijhêye po onk ki trote (ki pete, ki vesse).
6. on n' boet nén dpus k' a l' etermint d' on tchampete : on n' boet waire.

Parintaedje

Loukîz a : « eterer »

Sinonimeye

eteraedje, ripicaedje, essevlixhaedje, essevlixhmint

Mots d’ aplacaedje

• vizaedje d’ etermint
• gueuye d’ etermint
• tiesse d’ etermint
• messe d’ etermint

Ortografeyes

Après 1900, foû rfondou (Feller, Feller ricandjî, nén Feller) :

• ètèremint : C1, C99, C106
• intèr'mint : O0, O3
• ètér'mint : E1
• atermint : S117
• ètéremint : E170
• ètèr'mint : E1, E21, O0
• atèrmint : S0

E rfondou walon :

• etermint : R10 ^(lére), R13

Li mot n’ est nén dins : S24, S109

Ratournaedjes

metaedje d' on coir sins åme e tere

• Arabe marokin : دفين ^(ary) = دْفين =‎ dfin
• Catalan : enterrament ^(ca)
• Almand : Begräbnis ^(de)
• Inglès : burial ^(en), interment ^(en), inhumation ^(en)
• Espagnol : entierro ^(es)
• Francès : enterrement ^(fr), inhumation ^(fr)
• Neyerlandès : begravenis ^(nl), teraardebestelling ^(nl)

ceremoneye divant et après l' metaedje e tere

• Arabe : جنازة ^(ar) = جَنازة =‎ janâza
• Almand : Bestattung ^(de), Beerdigung ^(de), Begräbnis ^(de)
• Inglès : funeral ^(en)
• Espagnol : funeral ^(es), entierro ^(es)
• Francès : funérailles ^(fr), obsèques ^(fr)
• Neyerlandès : begrafenis ^(nl)

djins ki moennèt on moirt a l' aite

• Arabe marokin : نعش ^(ary) = نْعش =‎ n3ech
• Francès : convoi funèbre ^(fr)

Waitîz eto

Lijhoz l’ årtike etermint so Wikipedia