Wiccionaire:El savîz ?/4

E walon, li sene ◌ⁿ, k’ est on n metou e-n espôzant, c’ est on scrijha fonetike ki permete di scrire ene voyale naziåle. On l’ ertrouve dins l’ live da A. Grignard sol fonetike do Coûtchant Walon (1908), a costé d’ on é po scrire li naziåle /ẽ/ : céⁿq, céⁿquante ; dins l’ gazete Èl Mouchon d’Aunia (dispu 1934) et dins les lives da Joseph Coppens (1950-64), a costé d’ on i u î po scrire li naziåle /ĩ/ u /ɪ̃/ (longowe) : bîⁿ, rîⁿ ; dins les lives da Jean-Jacques Gaziaux (1982) a costé d’ on ô po scrire li rastrindou long O naziålijhî /õ/ (longou) : côⁿp, vôⁿye. Çou n’ est nén on sene do sistinme Feller stricto sensu et i n’ est nén rprins e rfondou walon.