Sujet sur Uzeu copene:Reptilien.19831209BE1

Bondjoû,

Li motî C9a (dj' ô bén, li prumî eplaidaedje, di 1902 et 1903) eploye ene ortografeye diferinne ki C9 (li deujhinme eplaidaedje, e Feller);

les loyéns eviè wikisourd divèt esse diferins do côp... mins ça n' shonne nén bén roter; si dj' mete li blokea "wikisource" å prumî livea, les loyéns s' fijhèt po C9 eyet C9a; si djel mete å dvins do blokea "alias = C9a", ça n' shonne nén esse léjhou.

K' est çki sereut l' mî, candjî l' module "Ortografeyes" (mins dji n' arive nén a vey kimint), oudonbén dispårti e deus modules sourdant po C9 eyet C9a ?

Gråces.

Bondjoû Pablo,

Vo kesse vént-st a pont ! Pask' îr dji m' dimandéve cåzu l' minme sacwè po C9 et E177. On prezinte sol Wiccionaire deus edicions so l' minme pådje, mins so fr.Wikisourd et Wikidata les edicions sont bén dispårteyes. Dji croe k' i nos fåt shure çou ki s' fwait so les ôtes pordjets. Çoula permetreut d' raloyî l' boune pådje avou Wikidata, paski pol moumint Sourdant:C9 (rahouka pol 2inme edicion) est raloyeye avou d:Q13216576 (k' est po C9a, li prumire edicion). On nel pout nén raloyî a d:Q124423510 (li deujhinme edicion) pask' el tite (li vray tite do motî) et l' date ni sont les minmes. Ça permetreut eto di rpexhî l' pådje fr.Wikisourd so Wikidata sorlon l' edicion.

Ça m' shonne li pus simpe a fé. Ça n' candje nén grand tchwès a nosse manire d' ovrer sol Wiccionaire, et come ça gn a rén a candjî dins l' module Ortografeyes, k' est ddja bén målåjhey assez.

A vey avou Lucyin s' i n' voet rén a rdire...

Oyi, dji vén d' vey eto ki l' loyén po E212 si fwait (flotchreçmint) po E212b avou...

I fåreut ki "alias" ni sieve k' a trover les racsegnes ki n' sont nén ddja defineyes (insi, on pôreut mete les racsegnes so l' oteur, sol pådje wikipedia, evnd, rén k' dins "C9"; et dins "C9a" fok çou k' est diferin (les anêyes, li loyén wikisourd, li groupe ortografeyes (po E212/E212b c' est d1900 po onk, et s20es po l' ôte)

Dj' a rarindjî les dnêyes po C9(a) sol Wiccionaire et so Wikidata. Dji n' a nén yeu d' aroke avou l' module Ortografeye pol moumint.

On-z a don :

• Sourdant:Motî Pirsoul, po l'ouve leye-minme (d:Q124448533), sins tni conte des edicions, avou :
  • Sourdant:Motî Pirsoul (1re edicion) (d:Q13216576)
  • Sourdant:Motî Pirsoul (2inme edicion) (d:Q124423510)

Gn a co a fé, mins por mi c' est l' voye a prinde. Si ça vos va, on preut fé l' minme po E177 et E212.

Oyi.

Po E177, c' esteut åjhey, la k' les modêyes avou des loyéns wikisourd sont dins E177a eyet E177b : dj' a rsaetchî les alias des modules avou les ptitès letes, eyet radjouter les loyéns.

Po E212; c' est å rvier... Do côp, dj' a candjî l' pådje Sourdant po houkî E212b, eyet lu aveur les alias; et dins l' module E212 pont d' alias et l' sourdant. Ca rote, mins c' est nén foirt bea sol pådje Sourdant; i fåreut motoit fé on module Sourdant/MoVil ou ene sacwè insi.

Gråces