ôte tchoi

Walon (Rifondou)

Prononçaedje

• AFE :
  • diferins prononçaedjes :
    • /õt͡ʃ.t͡ʃwɛ/  ^{aschoûtez lu}
    • (pa rfrancijhaedje) /õt͡ʃ.t͡ʃõs/
  • prononçaedje zero-cnoxheu : /õt͡ʃ.t͡ʃwa/

Nén definixhant prono

ôte tchoi femrin

1. ene sacwè diferinne di çk' on vént d' dire.
   • Dji pinséve a ôte tchoi.
   • Lai don la totes ces galguizoûtes la. Djåzans d’ ôte tchoi. — Henri Simon, « Li Neûre Poye » 1889, (eplaidaedje da Jean Haust di 1936), p.64 (fråze rifondowe).
   • Mins on tûtléve ôte tchoi k’ del bire,
     Et sins esse gote èn ebusti,
     Tchåle, t’ esteus pé k’ èn assoti ! — Henri-Joseph Raxhon (fråze rifondowe).
   • « Les gris voleûrs sont trop bouhales, trop lôy’minôyes po div’ni maîsses èt nos résoûde. I fât aute-tchwè qu’ des grossès botes èt des omes di diele po wangnî l' victwére, maîstri les cis qu’ont dè corèdje à r’vinde »— Joseph Vrindts, Tot tûsant (1924), Dja trové on Sôdâr, p.337.

Sinonimeye

ene ôte sacwè

• ene ôte sacwè
• ene sacwè d’ ôte
• åk d’ ôte

Ortografeyes

Divant 1900 :

• ôte chwat : E212 ^(lére)
• ôttchoi : E203 (a « choi ») ^(lére)

Après 1900, foû rfondou (Feller, Feller ricandjî, nén Feller) :

• ôte tchwa : E21, E212b (a « tchwase »)
• ôte tchwè : E170 (a « ôte »)

E rfondou walon :

• ôte tchoi : R10 ^(lére)

Li mot n’ est nén dins : R13

Ratournaedjes

ene sacwè diferinne

• Almand : etwass anders ^(de)
• Inglès : something else ^(en)
• Espagnol : otra cosa ^(es)
• Francès : autre chose ^(fr)
• Neyerlandès : iets anders ^(nl)