tchîpter

Walon (Rifondou)

Etimolodjeye

Mot-brut « tchip ».

Prononçaedje

• AFE :
  • diferins prononçaedjes : /t͡ʃiːp.ˈte/ /t͡ʃip.ˈte/ /t͡ʃip.ˈtɛ/
  • prononçaedje zero-cnoxheu : /t͡ʃiːp.ˈte/
• Ricepeures : tchîp·ter

Viebe

tchîpter (1^ire troke) (codjowaedje)

1. tchanter, fé des ptits sons, tot djåzant d’ on moxhon.
   • Li moxhon tchiptêye. — Motî Haust (fråze rifondowe).
   • Li huflå qui hufeule, lu mohon qui tchiptêye
     Rèspôdèt måfaitmint ås fåvetes, ås pèssons;
     Les djônes hoûtèt les vîs po-z aprinde lu lèçon ;
     Et l' ci ki n' sét tchanter come lès autes, i rametêye— Martin Lejeune, 1895.
2. (pa stindaedje do sinse) fé des ptits sons po s’ plinde d’ on må, tot djåzant d’ ene sakî.
3. (pa stindaedje do sinse) crîner, wignî, croxhî, fé do brut, tot djåzant d’ ene sacwè.
   • Li djoû k’ vos voeroz ene creveure ou k’ vos l’ etindroz tchîpter, i n’ fårè nén aveur sogne di lyi dner on ptit côp d’ mårtea. — Jean-Pierre Dumont (fråze rifondowe).
   • Li rowe tchiptêye, fåt mete di l’ ôle. — Motî Haust (fråze rifondowe et recråxheye).

Ortografeyes

Divant 1900 :

• chiptez : E212 ^(lére)
• chipté : E177

Après 1900, foû rfondou (Feller, Feller ricandjî, nén Feller) :

• tchipter : E1
• tchiptè : C13, S36 ^(lére)
• tchîpter : E1, S117

E rfondou walon :

• tchîpter : R13

Ratournaedjes

fé des ptits sons, tot djåzant d’ on moxhon

• Francès : pépier ^(fr), piauler ^(fr), gazouiller ^(fr)

fé des ptits sons po s’ plinde d’ on må, tot djåzant d’ ene sakî

• Francès : gémir ^(fr), geindre ^(fr)

fé do brut, tot djåzant d’ ene sacwè

• Francès : grincer ^(fr), craquer ^(fr), crisser ^(fr)