puvite

Walon (Rifondou)

Etimolodjeye

Aplacaedje di : «pus» + «vite»

Adviebe

puvite (nén candjåve)

acsegne k' on inme mî çou k' on vént d' dire e dierin.
- Dji pudrè ene salåde niçwesse… u ene lidjwesse, puvite.
…ou çou k' on va dire djusse après.
- Oh ! Dj' inméve d' î viker, dji contéve î mori !
  Djeriant d' aveur so m' fosse ene pougnêye di fetchires
  Bén puvite k' ene corone di rôzes ou di feu d' li ! — Louis Lagauche, "L' inmant", (1947), Li ponne dè gård di bwès, p. 147 (fråze rifondowe).
- Ureuzmint, mi mame, ki n' voleut nén cori trop lon, ni k' on mete des crevêyès biesses so li stoumak ey åtoû des pougnets di s' fi, schoûta puvite les conseys da Tatene — Georges Ghys, Nosse lingadje, l°124 (moes d' avri 2022), p. 4 (fråze rifondowe).
- Dispoy k' on dit k' t' as fwait l' Umanité,
  - Dijhans puvite ki l' ome t' a-st edvinté -
  Sol tere, ci n' est k' ene botchreye
  Sins pareye
  — François Nyns, Credo? (fråze rifondowe).
- Sayîz puvite di mete li mwin so Cadoudal et ses rénnvåts ! — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 14 (fråze rifondowe).
… u après awè forbatou sacwants tchuzes.
- Li måjhon, c' est puvite si fré ki l' årè — Motî d’ Bastogne, a « vite » (fråze rifondowe)..
(eployî avou « fé » å condicioneu) acsegne k' i våt do fé ene sacwè po ndè houwer ene ôte.
- On freut puvite ristourner l’ vint,
  Ki d’ voleur fé rassaetchî Mouze— Joseph Vrindts, ”Vîx Lîge” (1901), p.12, “Li Bonne Chance fait tot” (fråze rifondowe).