Tos deus dvins l' DTW avou les disfondowes :
Dj' a eto trové : queûchî (FO94), queûch’tér (FO94), mins eto queûwér (FO94) et queûyî (FO94).
Tos ces mots la sont fwaits sol bodje keu, mins po les deus dierins comint fwait on ? On mete queûyî avou keuxhî et queûwér avou keuxhter ? I gn a l' disfondowe queuwe (O90, motoit queûwe) k' esplike sins rujhes queûwér, et come a Courcele, Forchiye et Anderluwe (Andèrlûye), les W dvegnnut Y, on-z esplike bén queûwe → queûye → queûyî.
Dji n' sai cwè fé !
C' est målåjhey la k' c' est nén des mots ki dji cnoxhe.
Dins E1 i m' shonne ki l' seu mot aparinté ça soeye cohî (k' est ene pitite boesse ki s' poirtéve al cingue, po-z î mete li pire a-z awijhî (dj' ô bén, po-z î mete vosse keu); mot + -î di contneu.
Li cogne keûsî mi freut purade clintchî eviè on rfondaedje keujhî eyet keujhter.
keujhî : bodje, avou rispitaedje del moyale cossoune etimolodjike + -î (dj' ô bén come "croes" (prononcî "croe") -> croejhî)
keuyî/keuwer : bodje sins l' moyale cossoune etimolodjike + -î/-er
keujhter : keujhî + betchete -ter (ki dji rsin come ene betchete ki fwait des viebes ki l' accion est pus doûce, ou a pus ptits bokets, a pus ptits djesses)
Pol tchuze xh/jh c' est målåjhey, dins l' DTW "keûchî" est l' seu mot avou "-eûchî"; et "neûjî" (k' est on sustantif, noejhî) li seu avou "-eûjî". Des mots rfondous avou "-xhî" k' ont des disfondowes "-chî" dins les motîs coûtchantreces, end a plin; parey po les mots rfondous avou "-jhî" eyet des disfondowes "-jî". Li seu cas (nén acertiné!!) di disfondowe "-chî" ki pôreut motoit esse "-jhî" c' est dèsbrèchî [O3].
Avou l' waire d' egzimpes, i shonne tot l' minme ki -ch- soeye pus corant, do côp rfonde avou "xh" (li mot lidjwès cohî/gohî mostere bén ki ça deut esse on "jh" ou "xh" nén on "sh").
Po çou k' est d' mete eshonne les diferinnès disfondowes des viebes; dji direu ki l' diferince etur 1re et 2inme trokes ( -î ou -er ) est foirt tene; a pårt kékès cognes (come l' infinitif eyet l' pårticipe) li codjowaedje est vormint l' minme; -î est clairmint l' pus corant dins vos egzimpes. Årvierdimint, -ter est ene cawete diferinne, avou on codjowaedje, eyet minme on sinse diferin.
Do côp :
On mete queûyî avou keuxhî et queûwér avou keuxhter ?
dji metreu queûyî et queûwér come disfondowes di keuxhî;