Copene:keloyide

Est-ce ki gn a nén moyén d' trover on mot walon po ça? Li grek "χηλή" n' est nén del filozofeye da Platon k' on n' såreut ratourner; c'est djusse on biesse mot. Waelsch (copene) 2 d' djun 2021 a 09:34 (UTC)

Mins c' est do walon. Il est vrai k' ça rshonne åzès ôtes lingaedjes, mins c' est eto on mot foirt sincieus. Motoit, voloz-vos on sinonime ki sereut uzé pus djenerålmint, dins çk' on lome e francès : language courant ? --Èl-Gueuye-Noere (copene) 2 d' djun 2021 a 12:54 (UTC)

foirt sincieus?! Li walon n'est nén l'esperanto!!! Waelsch (copene) 3 d' djun 2021 a 01:26 (UTC)

@Waelsch : « Li walon n'est nén l'esperanto » fåt-st arester avou ça, s' i vs plait, ça dvént pår riyåve ! Çou n' est nén do francès nerén, ni d' l' inglès, ni… vos av comprins ! Dfotiner, rabaxhî, come ça on lingaedje (l'esperanto ), minme årtificiel, k' est djåzé pa bråmint des djins sol Daegne, çou n' est nén respectiveus. Çou n' est nén pask' on mot edvinté (po les syinces u ôtes) mousse divins on lingaedje naturel ki c' lingaedje la dvént di foice on lingaedje årtificiel. Tos les grands lingaedjes ont des mots edvintés po poleur discrire el monde d' ouy. Li walon shût l' minme voye et gn a rén avou ça. Vos djhoz bén « avion » e walon (on mot edvinté), nén « oujhea/moxhon d' fier » u dji n' sai cwè d' ôte ? Ci mot ci : chéloïde/Keloid/keloid/queloide/cheloide/keloïd/quelóide/… si rtrouve dins bråmint des lingaedjes, vos dirîz d' zels eto k' i n' sont nén d' l'esperanto, ey adon k' i duvrént nén eployî c' mot la ? On croereut intinde l' Academeye francesse dire « ne dites pas followers mais acolyte des illustres », vormint… gn a d' cwè rire. Respirez, Djôr, tot va bén ! 2A02:2788:1C4:19D:A71C:84C2:12A5:D136 3 d' djun 2021 a 07:05 (UTC)