rastoker
Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.
rastoker (1ire troke) (codjowaedje) [v.c.]
1. rifé tni ene sacwè ki va toumer. Dj' a rastoké l' tas d' bwès. Cwand i tchôkive dins l' taeye d' ene houyire, i faleut rastoker. Les tåyes, nos n' les voerans pus rastoker leu coir conte li buk do djaeyî k' il î fjhént leu prandjire a houte, å rcoet del bijhe — Émile Gilliard (fråze rifondowe). Å paxhi, il a rcepé les åbes et rastoké les pikets — André Henin (fråze rifondowe). Loukîz a : rabuder, ristançner. F. renforcer, consolider, rappuyer, soutenir, étançonner à nouveau.
2. sotni morålmint. C' est leu-z aidance ki m' a rastoké on fameus côp. F. soutenir, remonter le moral, réconforter, ragaillardir, requinquer. Dji vos bistoke; Dji vos rastoke; Tinoz vos bén, Vos n' tchairoz nén dijhêye po bistoker ene djin. Dit-st i Sint Elwè : wice sont i, les clawtîs, et les marixhås ki m' bistoként et m' rastoként el prumî d' decimbe ?
Tcherpetaedje : viebe fwait sol bodje sitok, avou l' betchete ra-.