ranse
Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.ranse [o.n.] noere nålete k' on mete åtoû do tchapea u do hintche bresse, et k' on poite ås etermints. Come i n' aveut nou portrait del royinne Astrid, il aveut metou l' ranse après ene foto del rinne Wilhelmine d' Olande, k' esteut pår so on velo (E. Sullon).
- Pocwè vosse rimimbrance
Si piede t ele el rouviance,
Ewalpant come d' ene ranse
Vos conseys et vos spots— Émile Wiket, "Fruzions d' cour", "A nosse grand poète Colas Dèfrècheux" (fråze rifondowe). - Totes ses viyès sovnances
Et ses tchansons d' amour, shonnént poirter l' longue ranse,
Et dvant ses ouys plins d’ låmes, divant ses ouys bablous,
Distindént come Mareye. — Joseph Vrindts, ”Vîx Lîge” (1901), p.58, “Li Feume Malâde” (fråze rifondowe). - Tot ravôtiant s’ poupåd divins s’ grand vwele di ranse,
Ele s’ a-st ashiou dvant mi
Et, so troes moes k’ ont xhilté come ene transe,
Ele a djemi.
Troes mots k’ ont fwait drener s’ pôve coir. — Jules Claskin, « Airs di flûte et autres poèmes wallons », édition critique de Maurice Piron, 1956, « Si feume », p.66-67 (fråze rifondowe). - Adon cwand l' ranse del nute ravôtive li molén,
I cwitéve si coulêye,
Po-z aler tni kipagneye al feye do vî Mårtén— Joseph Mignolet, "Fleûrs di prétins", p.83 (1929), "Li molin dè vî Stiène" (1925) (fråze rifondowe).
- Pocwè vosse rimimbrance
On dit eto: crepe. F. crèpe de deuil. Etimolodjeye : almand "Kranz" (corone).