Wiccionaire:Pordjet R12

dalaedje.gif Ci pordjet ci n’ est co k’ on djermon.

Ci pordjet ci, lomé R12 come el rahouca diné å Wiccionaire dins l’ djivêye des motîs et motlîs do walon del soce Li Rantoele, c’ est on pordjet kel såme est di poleur aberweter l’ diccionaire walon do Wiccionaire dizo ene cogne ene miete pus simpe et ledjire k’ el Wiccionaire lu-minme. Çoula rote avou l’ ustêye Wikimedia REST API. El deujhinnme såme est d’ poleur mete les djivions do walon sol Mwaisse pådje, dins l’ boesse Mot del samwinne.

Aberwetez on egzimpe vaici.

Rîles do pordjet
  1. Li sistinme di scrijhaedje (l’ ortografeye) est li Rfondou walon.
  2. On n’ mete ki des entrêyes do walon.
  3. On n’ mete ki des årtikes k’ ont-st ene pådje sol Wiccionaire, k’ ont passé l’ estape do djermon. On fé-st aprume l’ årtike sol Wiccionaire, pus on l’ vént radjouter dins ci pordjet ci.
  4. On n’ mete ki les djivions (lecsinmes) come intrêye. On n’ mete nén les pluriyals et les codjowas. Po les femrinnès cognes des addjectifs et nos, on n’ mete ki leu cawete. Po les alofômes del sipotchåve voyale (e-, -i-), on mete les deus avou l’ onk des deus ki rdjibele eviè l’ ôte.
    Voci sacwants egzimpes k’ on n’ pout nén mete :
    boutnut, codj. Indicatif prezintrece, troejhinme djin do pluriyal, al môde namurwesse, do viebe bouter.
    boutèt, codj. Indicatif prezintrece, troejhinme djin do pluriyal, al môde lidjwesse, do viebe bouter.
    djinteye, addj. Femrinne cogne di djinti.
    escole, scole, sicole, f.n. Bastimint k’ on-z î aprind a lére et a scrire, pu totès sôres d’ ôtès sacwès.
    Voci sacwants egzimpes k’ on pout mete :
    (e)scole, f.n. ~ s(i)cole.
    bouter, c.1, v.c. Poûssî. ◆ v.s.c. Ovrer. […]
    djinti, -eye, addj. K’ a on bon caractere. […]
    s(i)cole, f.n. Bastimint k’ on-z î aprind a lére et a scrire, pu totès sôres d’ ôtès sacwès.
  5. On n’ mete nén totes les ortografeyes, k’ on lome eto disfondowes, do sistinme Feller et les cenes di dvant k’ on pout rescontrer, ni nerén les viyès rfondowes. Mete les viyès rfondowes, pacô waire ki teyorikes et ki n’ ont måy sitî eployeyes, c’ est ralongui ci motî ci po cåzu nou uzaedje d’ asteure. Ça våreut dire mete ä la k’ on scrît ouy li betchfessî ae (lingädje > lingaedje), u co l’ divancete a (ä Lidje > a Lidje) eployeyes ezès prumîs limeros del gazete Li Rantoele (sicrîte e Rfondou). Kékès rfondowes ont candjî mwins côps : Asneu eyet Asnwa deus rfondowes disk’ e 2003, ont stî rirfondowes Asnoe disk’ e 2019, lu-minme ricoridjî Aesnoe. Si gn a vormint ene sacwè a dire, adon on l’ pout mete avou l’ cogne rifondowe d’ asteure, metans l’ cawete -ure k’ on scrît ouy -ule (molecure [1999, LM, Li Rantoele] > molecule [dispu avri 2019]) k’ a stî eployeye durant pus d’ vént ans.
  6. On n’ mete des fråzes d’ egzimpe k’ ezès cas k’ end ont vormint dandjî. On saye aprume d’ endè dner da nosse, eyet d’ endè fé des coûtes.