|
<P><FONT COLOR="#ff0000"><B>-åve</B></FONT> [cawete] <B>1.</B> vicante cawete, metowe après on viebe (sol cogne do pårticipe erirece), po fé èn addjectif, avou l' sinse "ki pout subi l' fijhaedje". <I>a)</I> dins des mots classikes: <FONT COLOR="#ff0000">haeyåve</FONT> (ki pout esse haeyou), <FONT COLOR="#ff0000">ovråve</FONT> (djoû ki pout esse ovré), <FONT COLOR="#ff0000">nén aduzåve</FONT> (ki n' pout nén esse aduzé), <FONT COLOR="#ff0000">ricnoxhåve</FONT> (ki pout esse ricnoxhou). <I>b)</I> dins des noûmots, fwaits po ratourner les addjectifs français avou les cawetes "-able" et "-ible": <FONT COLOR="#ff0000">croeyåve</FONT> (ki pout esse croeyou), <FONT COLOR="#ff0000">veyåve</FONT> (ki pout esse veyou), <FONT COLOR="#ff0000">nén oyåve</FONT> (ki n' pout nén esse oyou), <FONT COLOR="#ff0000">sipotchåve</FONT> (ki pout esse sipotcheye, tot djåzant d' ene voyale), <FONT COLOR="#ff0000">pexhåve</FONT> (ki pout esse pexhî). <B>2.</B> sustantivaedje di ces addjectifs la po fé des nos. <I>a)</I> classicmint: <FONT COLOR="#ff0000">vejhnåve</FONT> (plaece k' on pout <span lang=wa-for>"vejhner"</span>, k' on î pout aler ås vijhéns). <I>b)</I> dins des noveas mots: <FONT COLOR="#ff0000">axhlåve</FONT>: telefone, copiutrece ki pout esse <span lang=wa-for>"axhlé"</span> (metou dizo l' axhele). <B>3.</B> tot s' brouyant avou l' cawete -ant, addjectifs avou l' sinse "ki pout fé l' fijhaedje: <FONT COLOR="#ff0000">ahessåve</FONT> (ahessant, k' ahesse bén), <FONT COLOR="#ff0000">hodåve</FONT> (hodant, ki hode tofer). <B>4.</B> moite cawete metowe so on bodje k' on n' ricnoxhe pus: <FONT COLOR="#ff0000">haemåve</FONT>, <FONT COLOR="#ff0000">banåve</FONT>. <B>5.</B> moite cawete metowe so des calcaedjes di mots do francès avou l' cawete "-able" u "-aire": <FONT COLOR="#ff0000">responsåve</FONT>, <FONT COLOR="#ff0000">contråve</FONT>, <FONT COLOR="#ff0000">amishtåve</FONT>, <FONT COLOR="#ff0000">respectåve, råjhnåve</FONT>. rl a: [[Motî:-åbe|-åbe]], [[Motî:-ibe|-ibe]]. <B>6.</B> coron di sacwants mots, ki les disfondowes si stramèt dins les patwès come li cawete "-åve": <FONT COLOR="#ff0000">tåve</FONT>, <FONT COLOR="#ff0000">råve</FONT>, <FONT COLOR="#ff0000">sitåve</FONT>, <FONT COLOR="#ff0000">fåve</FONT>. Disfondowes: -<B>auve</B>, -âve, -âle, -aule, -âbe (-âpe), sol piceure di "tåve" <FONT SIZE=2>(ki vos ploz vey si stramaedje el mape ALW 1.93)</FONT>.</P>
|
