edjalé

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « edjalé », el pout stitchî vaici.

Prononçaedje

• AFE :
  • diferins prononçaedjes : /ɛ.d͡ʒa.ˈle/ /ɛ.d͡ʒa.ˈlɛ/ /a.d͡ʒa.ˈle/ /ɛ̃.d͡ʒa.ˈle/ /ɛ̃.d͡ʒɛ.ˈle/
  • prononçaedje zero-cnoxheu : /ɛ.d͡ʒa.ˈle/
• Ricepeures : edja·lé

Addjectif

	singulî	pluriyal
omrin	edjalé	edjalés
femrin padrî	edjalêye	edjalêyes
femrin padvant	edjalêye	edjalêyès

edjalé omrin

1. k’ a divnou (come) del glaece.
   • On pout bén passer l’ aiwe, elle est edjalêye.
   • On-z aveut yeu målåjhey foirci l’ tere edjalêye. — Jean-Pierre Dumont.
2. k’ a divnou tot deur, d’ esse passé dizo 0° C, tot djåzant d’ amagnî k’ on wåde e l’ edjaloe.
3. tot froed.
   • Dj’ a les pîs edjalés.
   • Avå l’ viyaedje ki s’ edoime påjhûlmint, kékès loumires s’ aflåwixhèt drî les cwåreas edjalés, et, d’ tinzintins, sol pavêye, li brut d’ ene paire di shabots, ki claptèt tot fjhant craker l’ nivaye, vis rapinsèt k’ l’ ome est la — Henri Simon, "Mès cwate moumints" (1907) (fråze rifondowe).
4. ki creve di froed.
   • D’ aveur ratindou l’ otobusse on cwårt d’ eure, dji so edjalé.

Parintaedje

• redjalé

Ortografeyes

Divant 1900 :

• èjalé : E203 ^(lére)
• egealé : E177
• ejalé : E89 ^(lére)

Après 1900, foû rfondou (Feller, Feller ricandjî, nén Feller) :

• indjèlé : O4 (a « indjèler »)
• èdjalè : C13
• adjalé : S0
• èdjalé : C9, E1

E rfondou walon :

• edjalé : R9 ^(lére), R13

Ratournaedjes

k’ a divnou (come) del glaece

• Francès : gelé ^(fr)

k’ a divnou tot deur, tot djåzant d’ amagnî k’ on wåde e l’ edjaloe

• Francès : congelé ^(fr)

tot froed

• Francès : frigorifié ^(fr)

ki creve di froed

• Francès : gelé ^(fr), frigorifié ^(fr), transi de froid

Sustantif

	singulî	pluriyal
omrin	edjalé	edjalés
femrin	edjalêye	edjalêyes

edjalé omrin

1. (imådjreçmint) onk k’ a todi froed.
   • C’ est on edjalé.
2. onk ki n’ a nou sintimint.
   • C’ est on edjalé ki n’ a ni cour ni åme.

Ratournaedjes

onk k’ a todi froed

• Francès : frileux ^(fr)

onk ki n’ a nou sintimint

• Francès : insensible ^(fr), froid ^(fr), distant ^(fr), frigide ^(fr), impassible ^(fr), indifférent ^(fr)