strinde

Walon (Rifondou)

Alofômes di s(i)- / (e)s-
Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
strinde	sitrinde	estrinde

Etimolodjeye

Tayon-bodje latén « stringere » çou ki dene on mot avou l’ cawete di codjowaedje « -de » des viebes.

Prononçaedje

AFE :
- diferins prononçaedjes : /stʀɛ̃t/ /stʀẽt/ (minme prononçaedje cåzu pattavå)
- prononçaedje zero-cnoxheu : /stʀɛ̃t/
Ricepeures : nén rcepåve

Viebe

Djin et tins	Codjowa
Cåzant Ind. pr. (dji, dj’)	strind
Atôtchî(s) Ind. pr. (vos, vs)	strindoz
Cåzants Ind. pr. (nos, ns)	strindans
Rwaitants Ind. pr., nam. (i/il, ele/elle)	strindnut
Cåzant Ind. fut. (dji, dj’)	strindrè
Cåzant D.I.E. (dji, dj’)	strindeu
Cåzant Suddj. pr. (ki dji, dj’)	strinde
pårt. erirece (dj’ a, vos av)	strindou
Ôtes codjowaedjes	come ratinde

strinde

(viebe å coplemint) serer comifåt.
- Cwand ele veyeut on djonne copere,
  Li djoû di l’ an k’ aveut l’ air peneus,
  Ele li houkive, lyi dvnéve des nûles,
  Et tot djhant k’ il estént fråjhûles,
  Ki ses bondius s’ cassént tot seu,
  K’ i n’ faleut nén trop foirt les strinde. — Joseph Vrindts, ”Vîx Lîge” (1901), p.76, “Li Vîle Martchande di Nûles” (fråze rifondowe).
- I cråmignonént åtoû do Conte di Lô, ki rotéve firmint avou s’ tchamår di coleur ås årmureyes del cité, et l’ åbarone di sint Lambiet k' i strindeut fivreuzmint so s’ cour — Joseph Mignolet, Li payis des soteas (1926), p. 51 (fråze rifondowe).
(viebe å coplemint) elaxhî dvins ses bresses.
- Portant, cwand sot d’ amour, djel vou strinde a m’ manire, ele si piede come ene foumire d’ å lon. Adon, dji dmeure come èn abandné, et dji pleure totes les låmes di m’ cour ! — Joseph Mignolet, « Li tchèsturlinne dèl Bèle Rotche, 1922, p.14 (fråze rifondowe).
(mot d' costire) serer tot djåzant d' on mousmint.
- Dj’ a po tot gåyotaedje,
  Ene mousseure ki m’ sitrind. — Joseph Vrindts, « Pâhûles rîmês » (1897), «Li vreie richesse», p.158 (fråze rifondowe).
- Mousseye d' ene rôbe di rodje soye ki lyi strindeut les hantches, elle avizéve ene foû-naturele vuzion, adschindowe do stoelî po s' murer e l' aiwe — Joseph Mignolet, "Li Payîs des Sotês", 1926, p. 18 (fråze rifondowe).
(viebe å coplemint) (mot d’ militaire) si mete totåtoû di (ene veye) po l' prinde (tot cåzant d' ene årmêye).
- Li djoû k' nos strindans ene veye, les djins fjhèt leus påtnosses
  L' ôr divins les ridants, les femes e l' fôme-eclôse — dins Tchantchès (fråze rifondowe).
(viebe å coplemint) fé sofri.
- Ses ptits cårpeas k' on stou rviersés
  Pol djoû d' ouy, tcherièt so bone voye.
  Li maladeye ni les strind pus. — Joseph Vrindts, « Pâhûles rîmês » (1897), "Li novel an", p.18-19 (fråze rifondowe).
(v. sins djin) fé malåjhey di rexhe d' on laid moumint.
- I strindeut a leus guetes — Léon Bernus (fråze rifondowe).
- I strind po ces pôves djins la après troes moes d' bombårdumint d' Israyel.
(v. sins djin) fé foirt froed.
- Il a djalé moens foirt li nute passêye, mins on n' s' end aporçût nén dins les bastimints; on a råjhon do dire : « pus çk' i djale, pus çk' i strind » — Motî Alphonse Massaux (fråze rifondowe).