rassonrer

Walon (Rifondou)

Etimolodjeye

Do viebe « assonrer » avou l’ betchete « r- » des viebes.

Viebe

rassonrer (viebe å coplemint)

Djin et tins	Codjowa
Cåzant Ind. pr. (dji, dj’)	rassonre
Atôtchî(s) Ind. pr. (vos, vs)	rassonrez
Cåzants Ind. pr. (nos, ns)	rassonrans
Rwaitants Ind. pr., nam. (i/il, ele/elle)	rassonrnut
Cåzant Ind. fut. (dji, dj’)	rassonrrè
Cåzant D.I.E. (dji, dj’)	rassonréve
Cåzant Suddj. pr. (ki dji, dj’)	rassonre
pårt. erirece (dj’ a, vos av)	rassonré
Ôtes codjowaedjes	sipepieus tåvlea

1. rifé bén comifåt, rarindjî, rimete d’ assene.
   • Li mwaisse n’ è vout pont d’ ôte ki mi po rassonrer l’ tåvlea, rinetyî s’ perpite, tcherdjî l’ pwele et fé ses comission. — Arthur Masson.
   • L’ ome aveut rassonré li ptite måjhon d’ Djerbaifwè come on palijhea. — Lucyin Mahin.
   • Et ça n’ est nén co tot: rifonde li walon, ça sereut ossu come rimete a noû, rassonrer, rimete e coleur si måjhon å bon tins. — Lorint Hendschel.
   • Les wårnumints po les rpoizoes sont dischindous des traveures ; i fåt fé les poûssires et les rassonrer ene miete. — Ernest Benoit.
   • Li hôt-fornea n’ egzistêye pus, mins l’ foidje des Walons, ki date do 17inme sieke, mins k’ a stî ragrandeye et rassonrêye e 1794, est co assez bén wårdêye.
2. (tot cåzant contråve) emantchî.
   • Dji fjheu les cwanses del croere, et dji m’ fijheu rassonrer, poy k’ i sorlouwéve mes teres pus tchir k’ i n’ mi les louwéve. — Auguste Laloux.
3. (viebe å prono) : Loukîz a : « si rassonrer ».

Ratourneures

1. rassonrer s’ fwin : magnî cwand on-z a fwin.
   • Po rassonrer ès fwin, on gris cantea sol tåve. — Luc Declercq.

Parintaedje

• rassonraedje

Sinonimeye

(emantchî) Loukîz l’ motyince : groujhî.

Ratournaedjes

rifé bén comifåt

• Francès : remettre en ordre, en état, à neuf, retaper ^(fr), restaurer ^(fr)

rassonrer s’ fwin

• Francès : apaiser ^(fr) sa faim

emantchî

• Francès : duper ^(fr)