paskeye

Walon (Rifondou)

Etimolodjeye

Bodje "pask" (calcaedje di l’ itålyin « pasquino »; biestreyes sicrîtes, e 3inme sieke, a Rome, påzès satirisses so ene posteure d' on lomé Pasquino; no d' djin, divnou on cmon no, da), avou l’ cawete « -eye ».

Prononçaedje

• AFE :
  • diferins prononçaedjes : /pas.ˈkɛj/ /pas.ˈkɛːj/ /pas.ˈkæːj/ /pas.ˈke/ /pas.ˈkiːj/ (betchfessî ey)
  • prononçaedje zero-cnoxheu : /pas.ˈkɛj/
• Ricepeures : pas·keye

• 
  Prumire mitan del Paskeye sol sidje et l’ dissidjmint d’ Wîne.

Sustantif

singulî	pluriyal
paskeye	paskeyes

paskeye femrin

1. (belès letes) sôre di scrijhaedje do vî tins (1650-1900) a môde d' arimé, fwaite a l' ocåzion d' èn etrevén, u po distraire les djins, sovint tot s' fotant d' ene sakî.
   • On-z a wårdé dins les vîs papîs sacwantès paskeyes e walon d' Lidje ki datèt do 17inme sieke.
2. dins sacwants viyaedjes, fiesse k' on fjheut so tos les djonnes omes et les djonnès feyes bounes a maryî, on côp l' an, et la k' on compôzéve ene tchanson, sovint avou des dobes sinses, nén pikés des viers.
   • Willy Bal a-st eplaidî ene des dierinnès paskeyes di Djåmioû.
3. racontaedje, sovint po rire.
   • Ouy, dj' a sogne k' on n' trouve pu mes paskeyes sol bon ton — Jean-Joseph Dehin (fråze rifondowe).
   • Nos n' vlans nén des «Pocwè m' voz vs cwité?»"; nos tchantrans vigreuzmint ene ahåyante paskeye cwite a piede nos fås dints — Guy Fontaine, tchanté pa Véronique Roba (fråze rifondowe et rarindjeye).
   • I gn aveut nén on tchame come lu po raconter ene paskeye — D.T.W (fråze rifondowe).
4. istwere do vî tins, vraiye u edvintêye k' on raconte todi enute.
   • Conoxhoz bén l' paskeye do tchvå Bayåd et des cwate fis Aimont ?
5. laide avinteure k' a-st arivé a ene sakî.
   • Dji vs va conter li sbarante paskeye k' a-st arivé al båshele do pere Cufå — Gaston Lucy (fråze rifondowe).
6. moumint k' on s' a bén plait.
   • Après, dj' ans rpassé å caberdouxhe «Li lapén ki tosse»; kéne paskeye drola!
   • Cwand tote li binde a yeu des pemes u des djaeyes, ele si såve po-z aler racmincî l' minme paskeye dins ene ôte måjhon — Joseph Calozet (fråze rifondowe).
7. dossî, kesse ki les djins ndè djåzèt tertos.
   • Ou çk' on nd est avou l' paskeye des sotès vatches?

Parintaedje

• paskiyî

Mots d’ aplacaedje

fijheu d' paskeyes : li ci (cene) ki scrît des arimés, des tchansons po s' fote. fr= écrivain satirique, chansonnier

Sinonimeye

• (bele istwere do vî tins) : fåve, floriconte, conte, racontroûle
• (istwere racontêye) : spoûle, istwere
• (laide advinteure) : kénte, avirete, paråde
• (minte) Loukîz a : « minte »

Rilomêye do mot

Li mot dins on tite di live, di gazete, di soce, di marke

• «Shijhes et Paskeyes» : coirnêye e walon del gazete "Vers l'Avenir".

Ortografeyes

Divant 1900 :

• paskèie : E203 ^(lére)
• paskeille : PaWi
• paskeie : E212 ^(lére)
• pasquèie : Ulysse Capitaine

Après 1900, foû rfondou (Feller, Feller ricandjî, nén Feller) :

• paskêye : S117
• paskéye : C8, C13, O0
• paskée : S109
• paskinye : E200
• paskèye : E1
• paskîye : O0
• pasquéye : C99
• pasquèye : E1, E170

E rfondou walon :

• paskeye : R10 ^(lére), R13

Li mot n’ est nén dins : C9, S44

Ratournaedjes

tchanson did dinltins

• Francès : pasquille ^(fr), chanson satirique, poème satirique
• Picård : pasquille ^(pcd)

istwere did dinltins

• Francès : histoire ^(fr), légende ^(fr), mythe ^(fr)

laide advinteure

• Francès : mésaventure ^(fr)

djoyeus moumint

• Francès : épisode ^(fr) mémorable, sortie ^(fr) mémorable

rilomêye kesse

• Francès : dossier ^(fr), affaire ^(fr), saga ^(fr)

Waitîz eto

Lijhoz l’ årtike paskeye (discramiaedje) so Wikipedia