loumire

Walon (Rifondou)

Etimolodjeye

Tayon-bodje latén « lumen » (minme sinse), avou l’ cawete « -ire ».

Prononçaedje

• AFE :
  • diferins prononçaedjes : /lu.miːʀ/ /ly.miːʀ/ /lu.mɛːʀ/ /lu.mjɛːʀ/ /lu.mjeʀ/
  • prononçaedje zero-cnoxheu : /lu.miːʀ/
• Ricepeures : lou·mire

Sustantif

singulî	pluriyal
loumire	loumires

loumire femrin

1. (fizike) waches electomagnetikes evoyeyes pa on tchôd coir, ki rind veyåves les sacwès.
   • Li prumî djoû, li Bon Diu creya l’ loumire. — Motî Forir (fråze rifondowe).
   • Les tinrès coleurs distindnut al loumire. — Motî Alphonse Massaux (fråze rifondowe).
   • Bon Diu ! K’ i fwait måhaitî, cial, la k’ i n’ a nole loumire. — Paul-Henri Thomsin (fråze rifondowe).
   • Nosse sourdant d’ loumire, c’ est l’ solea.
   • C’ ît ene loumire, èn airdiè ki rewoeyive les eures. — Marie-Louise Choisez.
2. lampe ou ôte sourdant di ces waches la.
   • Shoflez l’ loumire des montêyes !
   • Gn aveut k’ ene bladjote loumire po loumer s’ botike. — José Schoovaerts (fråze rifondowe).
3. corant electrike.
   • Dji n’ sai pus kéne anêye k’ on a metou l’ loumire e viyaedje.

Parintaedje

• loumer, loumaedje, loumeu
• loumter, loumtaedje
• loumyî, loumion
• loumrote, loumrete
• louminåcion, louminer (O0), louminaire
• loumiraedje, loumiraedjisse (noûmots)
• aloumer, aloumaedje, aloumeu, aloumeuse
• aloumete, aloumire, aloumoere
• raloumer, raloumaedje, raloumeu
• riloumer

(minme sourdant etimolodjike)

• louminaire

Mots d’ aplacaedje

• spectåke son et loumire
• foitès loumires so (Fr. plein feu sur)

Ortografeyes

Divant 1900 :

• loumîr : E203 ^(lére)

Après 1900, foû rfondou (Feller, Feller ricandjî, nén Feller) :

• lumîre : C99, S117
• loumîre : E1, S0
• lëmâre : C65
• lëmêre : C65
• lumiére : C1, C99

E rfondou walon :

• loumire : R11 ^(lére), R13

Li mot n’ est nén dins : C13, O0

Ratournaedjes

waches electromagnetikes ki djondèt l’ ouy et permete li vuzion

• Arabe : نور ^(ar) =‎ nour; ضوء ^(ar) = ضَوء =‎ Daw
• Arabe marokin : 8ew (Dew) =‎ ضو
• Almand : Licht ^(de)
• Inglès : light ^(en)
• Espagnol : luz ^(es)
• Francès : lumière ^(fr)
• Itålyin : luce ^(it)
• Neyerlandès : licht ^(nl)

sourdant di ces waches la

• Arabe : نور ^(ar) =‎ nour
• Arabe marokin : 8ew (Dew) =‎ ضو
• Almand : Lichtquelle ^(de), Licht ^(de)
• Inglès : light ^(en)
• Espagnol : luz ^(es)
• Francès : lumière ^(fr)
• Itålyin : luce ^(it)
• Neyerlandès : licht ^(nl)

Waitîz eto

Lijhoz l’ årtike loumire so Wikipedia