flotche

Walon (Rifondou)

Etimolodjeye

Tayon-bodje latén « floccus » (nope di linne).

Prononçaedje

• AFE :
  • diferins prononçaedjes : /flɔt͡ʃ/ /flut͡ʃ/ (fok deus prononçaedjes)
  • prononçaedje zero-cnoxheu : /flɔt͡ʃ/
• Ricepeures : nén rcepåve

Sustantif

singulî	pluriyal
flotche	flotches

flotche femrin

1. (mot d’ mousseure) nuk avou deus grands laesses dins on ruban, ene laecete, evnd.
   • Fijhoz ene bele flotche a vosse laecete. — Motî d’ Bastogne (fråze rifondowe).
2. bole di linne ou d’ fi ki pind a ene bounete, des gordenes, ene mousseure, ene echerpe, on tchapea, evnd. pol gålioter.
   • Il ont metou des belès gordenes avou des flotches.
   • Il aveut ene bele flotche so s' tchapea.
   • Ene bounete al flotche.
3. bele binde di stofe ki toûne åtoû do hatrea, si nukî padvant, pu toumer dissu l' vinte po gåyoter ene tinowe la k' on voet li tchmijhe (å pus sovint des omes)
   • Il aveut ene bele flotche so s' cô.
4. so les tournikets: ene pitite sacwè (del sitofe, on balon...) ki pind et k' les efants dvèt apicî tot passant, tins ki l' tourniket toûne, po wangnî on toû po rén
5. on vé ki n' est nén tinkyî
6. tot l' minme li kéne pitite sacwè ki pind.
7. åk ki n’ est nén djusse.
   • Dj’ a fwait ene flotche dins mes carculs.
   • Ci n’ est nén l’ prumire flotche k’ i fwait
8. sacwè k’ on-z a fwait et k’ i n’ fåreut nén fé.
   • I n’ est nén a s’ prumire flotche. — Motî d’ Cînè (fråze rifondowe).
   • Les seulès flotches k’ i gn a waire a dire dissu, dins on lingaedje ki n’ est nén co rfondou, c’ est les dfåtes di riscôpaedje.
9. (mot d’ meteyo) boket d’ nive ki tome.
   • I tome des flotches come des motchoes d’ potche. — Motî d’ Bastogne (fråze rifondowe).
   • I tchait des flotches di nive.
   • I nive a grossès flotches.
   • Ene trûlêye di blankès flotches dansèt l’ cråmignon al copete di s’ tiesse.
10. cråne, ezès trins, ki drouve et vudî pår li buze di frin ôtomatike, et s’ fé djoker l’ trin.
    • Tirer sol flotche.
11. Li fleur do houbion.
12. On ptit stron aiwiasse
    • Il a fwait ene flotche e s’ marone.

Sinonimeye

• (sacwè n’ divreut nén fé): fåte, difåte, måcule
• (boket d’ nive ki toume): flotchêye; Loukîz a : « flotchêye »

Ratourneures

1. flotche di disfinse: (fotbal) mwais plaçaedje des baks, ki leye on dvantrin di l’ ôte camp tot seu, eyet lu choter o gôl.
2. pet d’ flotche : vesse ki vént avou on pô d’ matire, et ki lait ene marke dins l’ coulote.

Parintaedje

• flo
• flotchete, flotcheye
• flotchter, flotchi
• flotchrece, flotchreçmint

Ortografeyes

Divant 1900 :

• floch : E178, E203 ^(lére)
• flog : E89 ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• flotche : C8, C9, C13, E1, E165, E200, O4
• floutche : O4

E rfondou walon :

• flotche : R9 ^(lére), R13

Ratournaedjes

nuk avou deus laesses

• Francès : boucle ^(fr)

bole di linne ki wårnit on bounet, des rideas

• Francès : gland ^(fr)

sacwè k’ on åreut nén dvou fé

• Francès : faute ^(fr), entorse ^(fr) (au règlement), erreur ^(fr), fredaine ^(fr)

boket d’ nive ki tome Loukîz a : flotchêye

• Francès : flocon ^(fr)

cråne po djoker l’ trin

• Francès : signal d’alarme ^(fr)

pet d’ flotche

• Francès : pet de maçon ^(fr), pet foireux ^(fr), floche ^(fr) (francès d’ Beldjike)

Waitîz eto

Lijhoz l’ årtike flotche (discramiaedje) so Wikipedia

Codjowas

flotche

1. indicatif prezintrece, prumire et troejhinme djins do singulî, do viebe « flotchîî ».
2. suddjonctif prezintrece, prumire et troejhinme djins do singulî, do viebe « flotchîî ».
3. kimandeu prezintrece, deujhinme djin do singulî, fôme camaerådrece, do viebe « flotchîî ».